వాంఖడే వేదికగా జరిగిన మ్యాచ్లో ముంబయి ఇండియన్స్పై నాలుగు వికెట్ల తేడాతో రాజస్థాన్ రాయల్స్ గెలుపొందింది. రాజస్థాన్ గెలుపు ఖాయమనుకున్న వేళ... చివర్లో వరుసగా వికెట్లు కోల్పోవడం వల్ల ఉత్కంఠ కొనసాగింది. ఆఖర్లో ముంబయి కట్టుదిట్టమైన బౌలింగ్తో రాజస్థాన్ విజయాన్ని అడ్డుకునేందుకు ప్రయత్నించింది. కానీ చివర్లో శ్రేయాస్ గోపాల్ (13; 7 బంతుల్లో ) పరుగులతో రాజస్థాన్కు విజయాన్ని అందించాడు. వరుస ఓటమలతో సతమతమవుతున్న రాజస్థాన్ జట్టుకు నాలుగు మ్యాచ్ల తర్వాత గెలుపు లభించింది.
- టాస్ గెలిచిన రాజస్థాన్ రాయల్స్... మొదట ముంబయిని బ్యాటింగ్కు ఆహ్వానించింది. రోహిత్ సేన 20 ఓవర్లలో 5 వికెట్ల కోల్పోయి 187 పరుగులు చేసింది. లక్ష్యాన్ని 19.3 ఓవర్లలో ఆరు వికెట్లు కోల్పోయి ఛేదించింది రహానే సేన.
లక్ష్యం కరిగిపోయింది
రాజస్థాన్ ఓపెనర్ జాస్ బట్లర్ (89; 43 బంతుల్లో 8 ఫోర్లు, 7 సిక్సులు) ముంబయి పేస్ను ఓ ఆటాడుకున్నాడు. అతడికి మద్దతుగా రహానే(37; 21 బంతుల్లో), సంజు శాంసన్ (31; 26 బంతుల్లో) నిలిచారు.
సులువుగా విజయం సాధిస్తుందనే దశలో రాజస్థాన్ వరుసగా వికెట్లు కోల్పోయింది. ముంబయి బౌలర్లలో కృనాల్, బుమ్రా బౌలింగ్ ధాటికి పెవిలియన్కు క్యూ కట్టారు. చివర్లో శ్రేయాస్ ఫోర్ కొట్టి విజయాన్నందించాడు.
డికాక్ దూకుడు