రాహుల్​ ప్రతిభకు మాస్టర్​ బ్లాస్టర్​ ఫిదా

ఐపీఎల్​లో ముంబయి ఇండియన్స్ తరఫున ఆకట్టుకున్నాడు బౌలర్ రాహుల్ చాహర్. ఫైనల్​లో అతడి బౌలింగ్​పై ప్రశంసలు కురిపించాడు దిగ్గజ క్రికెటర్ సచిన్ తెందూల్కర్.

ఆదివారం చెన్నైతో జ‌రిగిన ఫైన‌ల్ మ్యాచ్‌లో ఒక్క పరుగు తేడాతో విజయం సాధించింది ముంబయి. అనంతరం మాట్లాడిన సచిన్ తెందూల్కర్.. ఆ జట్టు స్పిన్ బౌలర్​ రాహుల్ చాహర్​పై ప్రశంసలు కురిపించాడు. అద్భుత ప్రతిభ రాహుల్ సొంతమని, అతడి బౌలింగ్​ ముంబయి విజయంలో కీలక పాత్ర పోషించిందని చెప్పాడు.

సీఎస్​కేతో జ‌రిగిన ఈ మ్యాచ్​లో 4 ఓవ‌ర్లు బౌలింగ్ చేసిన రాహుల్ చాహ‌ర్ ఒక వికెట్ ప‌డగొట్టి 14 ప‌రుగులు మాత్ర‌మే ఇచ్చాడు.

స్పిన్ బౌలర్ రాహుల్ చాహర్

‘‘చాహ‌ర్‌లో అద్భుత‌ ప్రతిభ ఉంది. బౌలింగ్ యాక్ష‌న్ బాగుంది. అత‌డు మొద‌టి మ్యాచ్ ఆడినప్పుడే జ‌య‌వ‌ర్ద‌నేతో నా అభిప్రాయం చెప్పాను. 6 నుంచి 15 ఓవ‌ర్ల మ‌ధ్య చాహ‌ర్ బౌలింగ్ మ్యాచ్‌ను మ‌లుపుతిప్పింది. క్లిష్ట‌మైన సమయంలో ఎలా బౌలింగ్ చేయాలో అలాగే చేశాడ‌ు’’ -సచిన్ తెందూల్కర్

ఇది చదవండి: విజయవంతమైన ఆటగాడు అతడేనా..!