రాణించిన దిల్లీ బౌలర్లు.. పంజాబ్​ 166కే పరిమితం

మొహాలి వేదికగా దిల్లీ క్యాపిటల్స్​తో జరుగుతున్న మ్యాచ్​లో పంజాబ్​ 166 పరుగులు చేసింది. డేవిడ్ మిల్లర్ 43, సర్ఫరాజ్ ఖాన్ 39 మినహ మిగతా బ్యాట్స్​మెన్​ విఫలమయ్యారు. దిల్లీ బౌలర్లు మోరిస్ మూడు, సందీప్ రెండు వికెట్లతో రాణించారు.

దిల్లీ క్యాపిటల్స్​తో జరుగుతున్న మ్యాచ్​లో కింగ్స్ ఎలెవన్ పంజాబ్​ నిర్ణీత 20ఓవర్లలో 166 పరుగులు చేసింది. టాస్ గెలిచి బౌలింగ్ ఎంచుకున్న దిల్లీ జట్టు... పంజాబ్​ను​ మోస్తరు స్కోరుకే పరిమితం చేసింది. మోరిస్ 3, సందీప్ 2 వికెట్లతో ఆకట్టుకున్నారు. సర్ఫరాజ్- మిల్లర్​ మినహా మిగతా బ్యాట్స్​మెన్​ విఫలమయ్యారు.

రెండో ఓవర్లోనే పంజాబ్ ఓపెనర్ రాహుల్​ని ఔట్ చేశాడు క్రిస్ మోరిస్. కొద్ది సేపటికే సామ్ కరన్ (20)​, మయాంక్ అగర్వాల్​(6) లను పెవిలియన్ చేర్చింది దిల్లీ. అనంతరం మరో వికెట్​ పడకుండా జాగ్రత్తగా ఆడింది సర్ఫరాజ్ ఖాన్(39) డేవిడ్ మిల్లర్(43) జంట. వీరిరువురూ 62 పరుగుల భాగస్వామ్యాన్ని నెలకొల్పి ఇన్నింగ్స్​ని గాడిలో పెట్టారు. రెండు ఓవర్ల వ్యవధిలో సర్ఫరాజ్, మిల్లర్ ఔట్ కాగా.. చివర్లో పంజాబ్ స్కోరు నెమ్మదించింది. గేల్​ లేని లోటు ఈ మ్యాచ్​లో స్పష్టంగా కనిపించింది.

మోరిస్, సందీప్ హవా..

దిల్లీ బౌలర్లు ఆరంభం నుంచి నిలకడగా బౌలింగ్ చేశారు. మధ్యలో సర్ఫరాజ్, మిల్లర్ ధాటిగా ఆడినా... వారిద్దరినీ కొద్ది వ్యవధిలోనే పెవిలియన్​ చేర్చారు దిల్లీ పేసర్లు. మోరిస్ మూడు వికెట్లతో పంజాబ్ పతనాన్ని శాసించాడు. సర్ఫరాజ్​ను సందీప్ ఔట్ చేయగా, మిల్లర్​ను మోరిస్ బుట్టలో పడేశాడు. రెండో ఓవర్లోనే రాహుల్ ఔట్ చేసిన మోరిస్ పంజాబ్​ని ఆరంభంలోనే దెబ్బతీశాడు. రబాడ హార్దుస్​​ని ఔట్ చేసి ఓ వికెట్​ని తన ఖాతాలో వేసుకున్నాడు.