రాజస్థాన్ రాయల్స్తో జరుగుతున్న మ్యాచ్లో టాస్ ఓడి తొలుత బ్యాటింగ్కు దిగింది ముంబయి ఇండియన్స్. ఓపెనర్ల దూకుడుకు తోడు చివర్లో హార్దిక్ వేగంగా ఆడటం వల్ల 187 పరుగులు సాధించింది. రాయల్స్ ముందు 188 పరుగుల లక్ష్యాన్ని ఉంచింది.
ఓపెనర్ల హవా...
ముంబయి ఓపెనర్లు రోహిత్, డికాక్ ధాటికి 10 ఓవర్లలోనే 90 పరుగులు వచ్చాయి. సారథి రోహిత్ శర్మ( 47; 32 బంతుల్లో) ఆకట్టుకున్నాడు. మరో ఓపెనర్ డికాక్ (81; 52 బంతుల్లో ) చక్కటి ఇన్నింగ్స్తో స్కోరు బోర్డును పరుగులెత్తించారు.
ఓపెనర్ల దూకుడుకు ఓ దశలో 200 పైగా స్కోరు వస్తుందనుకున్నప్పటికీ.. రోహిత్ ఔటవ్వడం వల్ల జోరుకు అడ్డుకట్ట పడింది. 11వ ఓవర్‌లో కెప్టెన్‌ రోహిత్‌శర్మ(47, 32 బంతుల్లో 6x4, 1x6) భారీ షాట్‌కు ప్రయత్నించి బట్లర్‌ చేతికి చిక్కాడు. త్రుటిలో అర్ధశతకం చేజార్చుకున్నాడు. ఆ సమయంలో డికాక్ అర్ధశతకం సాధించాడు. అయితే డికాక్కు సరైన సహాకారం అందకపోవడం.. వీలు చిక్కినప్పుడల్లా రాజస్థాన్ బౌలర్లు వికెట్ల తీయడంతో పరుగుల వేగం మందగించింది.
మిడిలార్డర్ మెరుపుల్లేవ్...
వన్ డౌన్ బ్యాట్స్మెన్గా వచ్చిన సూర్య కుమార్ (16; 10 బంతుల్లో) నిరాశపరిచాడు. హిట్టర్ పొలార్డ్ పరుగులు చేయడానికి ఇబ్బంది పడ్డాడు. ఏకంగా 12 బంతులాడి 6 పరుగులు మాత్రమే చేశాడీ కరీబియన్. ఇషాన్ కిషన్ (5 పరగులు; 3 బంతుల్లో ) ఔటయ్యాడు. చివర్లో హార్దిక్ 28 పరుగుల(3 సిక్సులు, ఒక ఫోర్)తో సూపర్ హిట్టింగ్ చేయడం వల్ల 187 పరుగులు చేసింది రోహిత్ సేన.
ఈ సీజన్లో అత్యధిక వికెట్లతో ఆరెంజ్ క్యాప్తో కొనసాగుతున్న జోఫ్రా ఆర్చర్... ఈ మ్యాచ్లోనూ మూడు వికెట్లు తీశాడు. కులకర్ణి, ఉనద్కత్ చెరో వికెట్ తమ ఖాతాలో వేసుకున్నారు.