ఐదుసార్లు ఐపీఎల్ ఫైనల్కెళ్లిన ముంబయి నాలుగు సార్లు టైటిల్ను సొంతం చేసుకుంది. తొలిసారి 2013లో విజేతగా నిలిచిన రోహిత్ సేన అప్పటి నుంచి ఏడాది విరామంతో కప్పును చేజిక్కించుకుంటోంది. అందులోనూ బేసి సంవత్సరపు(2013, 15,17 , 19) అంకెల్లోనే ముంబయి విజేతగా నిలుస్తోంది.
- 2013లో కోల్కతా వేదికగా జరిగిన ఐపీఎల్ ఫైనల్ మ్యాచ్లో ముంబయి 23 పరుగుల తేడాతో విజయం సాధించింది. ఆ మ్యాచ్లో ముంబయి 148 పరుగులు చేయగా.. చెన్నై 125కే పరిమితమైంది.
- 2015లో కోల్కతాలో జరిగిన ఫైనల్లో ముంబయి 41 పరుగుల తేడాతో నెగ్గింది. ఇందులో రోహిత్ సేన మొదట 202 పరుగులు చేయగా... చెన్నై 161 పరుగులు మాత్రమే చేయగలిగింది.
- 2017లో రైజింగ్ పూణె సూపర్జైంట్ జట్టుతో జరిగిన ఫైనల్ మ్యాచ్లో ముంబయి ఒక్క పరుగు తేడాతో నెగ్గింది. ఈ మ్యాచ్లో ముంబయి 129 పరుగులు చేయగా.. రైజింగ్ పూణె 128 స్కోర్ చేసింది.
- ఈ సీజన్(2019)లోనూ చెన్నై సూపర్కింగ్స్పై ఒక్క పరుగు తేడాతోనే విజయం సాధించింది ముంబయి. ఈ మ్యాచ్లో ముంబయి 149 పరుగులు చేస్తే.. చెన్నై 148కే పరిమితమైంది.