నేడు కింగ్స్ ఎలెవన్ పంజాబ్తో ముంబయి ఇండియన్స్ తలపడనుంది. ఆరు మ్యాచ్లు ఆడిన పంజాబ్ నాలుగింటిలో విజయం సాధించంగా.. ఐదు మ్యాచ్ల్లో మూడు ముంబయి ఇండియన్స్ జట్టు మూడు గెలిచింది.
చివరిసారి ఇరుజట్లు మొహాలీలో తలపడగా పంజాబ్ 8 వికెట్ల తేడాతో విజయం సాధించింది. సొంత మైదానంలో మ్యాచ్ జరుగుతుండటం ముంబయికి కలిసొచ్చే అంశం.
చెన్నై సూపర్ కింగ్స్, సన్ రైజర్స్ హైదరాబాద్ జట్లపై విజయంతో ముంబయి జోరు మీదుంది. నాణ్యమైన బౌలింగ్ ఈ జట్టు సొంతం. రోహిత్ శర్మ, డికాక్, సూర్యకుమార్ యాదవ్, పొలార్డ్, పాండ్యా సోదరులతో బ్యాటింగ్ దళం బలంగా ఉంది. చెన్నైతో జరిగిన మ్యాచ్లో రెండు ఓవర్లలో 45 పరుగులు చేసి జట్టుకు విజయాన్నందించారు పొలార్డ్, హార్దిక్ పాండ్యా.
బౌలింగ్లోనూ ముంబయి జట్టు పటిష్టంగా ఉంది. సన్ రైజర్స్పై కేవలం 12 పరుగులు ఇచ్చి 6 వికెట్లు తీసిన అల్జారీ జోసెఫ్ ఈ మ్యాచ్లో ఫేవరేట్గా బరిలోకి దిగుతున్నాడు. ఇతడితో పాటు బుమ్రా, బెహ్రండార్ఫ్, హార్దిక్ పాండ్యా ఉండనే ఉన్నారు.