బెంగళూరు జట్టు ఈ ఐపీఎల్ సీజన్లో పెద్దగా ప్రతాపం చూపలేకపోయింది. ఇందుకు జట్టు ప్రదర్శనతో పాటు కోహ్లీ టాస్ ఓడిపోవడం ఒక కారణంగా తెలుస్తోంది. మొత్తం 13 మ్యాచ్‌లకు సారథిగా వ్యవహరించిన కోహ్లీ 10 మ్యాచ్‌ల్లో టాస్ ఓడిపోయాడు. ఛేజింగ్లో కింగ్గా పిలుచుకునే కోహ్లీకి... టాస్ ఓడిపోవడం వల్ల రెండో బ్యాటింగ్ దిగే అవకాశాలు తక్కువగా వచ్చాయి. పిచ్ పరిస్థితులకు అనుగుణంగా ప్రత్యర్థి జట్టు బరిలోకి దిగడం ఆర్సీబీ గెలుపోటములపై ప్రభావం చూపింది.
కోహ్లీ విజయాలకు ఆటంకమిదేనా..?
రాయల్ ఛాలెంజర్స్ బెంగళూరు సారథి విరాట్ కోహ్లీకి ఓ విషయంలో మాత్రం అస్సలు కలిసిరావట్లేదు. ఈ ఐపీఎల్లోనూ అదే దురదృష్టం వెంటేసుకుని మరీ తిరిగాడు.
కోహ్లీ విజయాలకు ఆటంకమిదేనా..??
తాజాగా మంగళవారం రాత్రి రాజస్థాన్ రాయల్స్‌తో జరిగిన మ్యాచ్‌లోనూ... విరాట్ టాస్ ఓడిపోయాడు. వరుసగా ఆరుసార్లు టాస్ ఓడి మరో ఘనత తన ఖాతాలో వేసుకున్నాడు.
భారత కెప్టెన్గానూ టాస్ గెలవడంలో విఫలమవుతున్నాడు విరాట్. 2019లో ఆడిన అన్ని ఫార్మాట్లలో 14 మ్యాచ్‌లలో కేవలం ఐదింటిలో మాత్రమే టాస్ నెగ్గాడు.