ఐపీఎల్ 2019... ప్రారంభమై అప్పుడే 10 రోజులైంది. ఈ పది రోజుల్లో క్రికెట్ అభిమానులను కిక్ ఎక్కించేసింది. మన్కడింగ్ వివాదం దగ్గరినుంచి అంపైర్ నిర్ణయాల వరకు ఎన్నో సంచలనాలకు వేదికైంది. ఇలాంటి మరికొన్ని విశేషాలను ఇప్పుడు చూద్దాం!
- చెన్నై సూపర్ కింగ్స్తో జరిగిన తొలి మ్యాచ్లో బెంగళూరు జట్టు 70 పరుగులకే ఆలౌటైంది. చెన్నై వేదికగా జరిగిన ఈ మ్యాచ్లో ధోనీ సేన రెండు ఓవర్లు మిగిలుండగానే లక్ష్యాన్ని ఛేదించింది.
- రాజస్థాన్ రాయల్స్ బ్యాట్స్మెన్ జోస్ బట్లర్ను పంజాబ్ కెప్టెన్ అశ్విన్ మన్కడింగ్ చేయడం వివాదాస్పదమైంది. ఐపీఎల్ చరిత్రలో తొలిసారి మన్కడింగ్ చేసిన వ్యక్తిగా అశ్విన్ రికార్డుకెక్కాడు.
- ముంబయి ఇండియన్స్‌తో మ్యాచ్లో బెంగళూరు చివరి బంతికి ఏడు పరుగులు చేయాలి. ఇలాంటి తరుణంలో ముంబయి బౌలర్ మలింగ నోబాల్‌ వేశాడు. అంపైన్‌ నో బాల్‌గా ప్రకటించకపోవడం వల్ల విమర్శలు వెల్లువెత్తాయి.
- ఈ ఐపీఎల్ సీజన్లో రాజస్థాన్ రాయల్స్ యువ క్రికెటర్ సంజూ శాంసన్ తొలి శతకం బాదేశాడు. సన్రైజర్స్తో జరిగిన ఈ మ్యాచ్లో రాజస్థాన్ జట్టు ఓడిపోయింది.
- కోల్కతా నైట్రైడర్స్తో జరిగిన మ్యాచ్లో దిల్లీ యువ బ్యాట్స్మెన్ పృథ్వీ షా 99 పరుగులు చేశాడు. శతకానికి ఒక్క పరుగు దూరంలో ఔటయ్యాడు. ఇదే మ్యాచ్ టైగా ముగియగా... సూపర్ఓవర్లో దిల్లీ క్యాపిటల్స్ జట్టే గెలిచింది. ఈ సీజన్లో ఇదే తొలి సూపర్ఓవర్.
- రాయల్ ఛాలెంజర్స్ బెంగళూరుతో జరిగిన మ్యాచ్లో సన్రైజర్స్ ఓపెనర్లిద్దరూ శతకాలు బాదేశారు. ఇలా జరగడం ఐపీఎల్ చరిత్రలో ఇదే తొలిసారి.
- దిల్లీ క్యాపిటల్స్తో జరిగిన మ్యాచ్లో పంజాబ్ బౌలర్ సామ్ కరన్ హ్యాట్రిక్ వికెట్లు తీశాడు. ఈ సీజన్లో ఇదే తొలి హ్యాట్రిక్. ఇదే మ్యాచ్లో దిల్లీ క్యాపిటల్స్ జట్టు 8 పరగుల వ్యవధిలో 7 వికెట్లు కోల్పోయి ఓటమి పాలైంది.