రియాన్.. కొద్దిలో ఆ రికార్డు మిస్సయ్యాడు

రాజస్థాన్ రాయల్స్ యువ క్రికెటర్​ రియాన్ పరాగ్.. ఐపీఎల్​లో​ అరుదైన రికార్డు సాధించే అవకాశాన్ని కొద్దిలో చేజార్చుకున్నాడు.

రియాన్ పరాగ్... ప్రస్తుతం ఐపీఎల్​లో రాజస్థాన్ రాయల్స్ తరఫున ఆడుతున్నాడు. శనివారం జరిగిన మ్యాచ్​లో తానెంటో నిరూపించుకున్నాడు. ముంబయి బౌలింగ్​ను ఎదుర్కొని 29 బంతుల్లో 43 పరుగులు చేసి ఆకట్టుకున్నాడు. అర్ధ శతకం చేసుంటే ఐపీఎల్​ చరిత్రలో రికార్డు నమోదు చేసేవాడు. కానీ కొద్దిలో ఆ అవకాశం చేజార్చుకున్నాడు. ధోనీని అభిమానించే ఈ క్రికెటర్.. చెన్నైతో మ్యాచ్​లోనే అరంగేట్రం చేయడం విశేషం.

ఇప్పుడు రియాన్ పరాగ్ వయసు 17 సంవత్సరాల 160 రోజులు. ఐపీఎల్​లో తక్కువ వయసులో హాఫ్ సెంచరీ చేసిన ఘనత పృథ్వీషా- సంజూ శాంసన్ పేరిట ఉంది. వీరిద్దరూ 18 సంవత్సరాల 169 రోజుల వయసులో ఈ రికార్డు సాధించారు.

ఇది చదవండి: మన్కడింగ్​కు అశ్విన్ ప్లాన్​... ధావన్ డ్యాన్స్