వరుస ఓటములకు చెక్ పెడుతూ సన్రైజర్స్ మరో విజయాన్ని ఖాతాలో వేసుకుంది. 133 పరుగుల లక్ష్యాన్ని 4 వికెట్లు కోల్పోయి ఛేదించింది. హైదరాబాద్ ఓపెనర్లు మరోసారి రాణించడం... అర్ధశతకాలతో ఆకట్టుకోవడం వల్ల 16.5 ఓవర్లలోనే విజయాన్ని సొంతం చేసుకుంది. ప్లేయర్ ఆఫ్ ద మ్యాచ్ అవార్డు వార్నర్కు లభించింది.
ఓపెనర్లే బలం...
హైదరాబాద్ జట్టుకు సిరీస్ మొదటి నుంచి ఓపెనర్లే భరోసాగా నిలుస్తున్నారు. ఈ మ్యాచ్లో డేవిడ్‌ వార్నర్ (50; 25 బంతుల్లో 10×4) , జానీ బెయిర్స్టో (61; 44 బంతుల్లో 3×2, 3×6) పరుగులతో ఆకట్టుకున్నారు. మిడిలార్డర్ విఫలమైనా బెయిర్స్టో చివరి వరకు క్రీజులో ఉండి గెలుపు కోసం కృషి చేశాడు.
- హైదరాబాద్ తిప్పేసింది...
టాస్ గెలిచి బ్యాటింగ్ ఎంచుకున్న చెన్నైకు ఓపెనర్లు మంచి ఆరంభాన్నిచ్చారు. 9 ఓవర్లలోనే 70 పరుగులు జోడించారు. షేన్ వాట్సన్ (31; 29 బంతుల్లో 4ఫోర్లు), డుప్లెసిస్‌ (45; 31 బంతుల్లో 3ఫోర్లు, 3సిక్సులు) దూకుడుగా ఆడారు. కాని వీరిద్దరూ ఔటైన తర్వాత స్కోరు వేగం తగ్గిపోయింది. సురేశ్‌ రైనా (13) కేదార్‌ జాదవ్‌ (1), బిల్లింగ్స్‌ (0) పరుగులతో నిరాశపరిచారు.
హైదరాబాద్ బౌలర్లలో రషీద్ఖాన్ అద్భుతమైన బౌలింగ్ వేశాడు. 4 ఓవర్లలో రెండు వికెట్లు తీసి 17 పరుగులు మాత్రమే ఇచ్చాడు.
తేలిపోయిన చెన్నై బౌలర్లు...
తక్కువ లక్ష్యంతో బరిలోకి దిగిన హైదరాబాద్ను తాహిర్ కొంచెం ఇబ్బంది పెట్టి విజయాన్ని ఆలస్యం చేశాడు. ఓ దశలో సన్రైజర్స్ మిడిలార్డర్ను ముప్పతిప్పలు పెట్టినా ...బెయిర్ స్టో విధ్వంసానికి తలవంచక తప్పలేదు.
