డిఫెండింగ్ ఛాంపియన్ చెన్నై సూపర్ కింగ్స్ ఎనిమిదో సారి ఐపీఎల్ ఫైనల్లోకి అడుగుపెట్టింది. శుక్రవారం జరిగిన క్వాలిఫయర్-2లో దిల్లీపై 6 వికెట్ల తేడాతో విజయాన్ని అందుకుంది చెన్నై. మ్యాచ్ అనంతరం మాట్లాడిన ధోని.. ఈ సీజన్లో చెన్నై ప్రదర్శనకు, ఫైనల్ చేరేందుకు కారణం జట్టులోని బౌలర్లే అంటూ ప్రశంసించాడు.
ఈ మ్యాచ్లో మొదట బ్యాటింగ్‌ చేసిన దిల్లీ.. నిర్ణీత 20 ఓవర్లలో 9వికెట్లకు 147 పరుగులే చేయగలిగింది. స్వల్ప లక్ష్యంతో బరిలోకి దిగిన చెన్నై జట్టులో డుప్లెసిస్‌, వాట్సన్ అర్ధ సెంచరీలతో చెలరేగడం వల్ల అలవోకగా విజయం సాధించింది.