చెన్నై సూపర్ కింగ్స్ వరుస విజయాలతో దూసుకెళ్తోంది. ఐపీఎల్‌లో ఇంతగా రాణించడం వెనుక రహస్యం ఏంటన్న ప్రశ్నపై ధోనీ స్పందిస్తూ...'ఒకవేళ అందరికీ నేను ఆ రహస్యాన్ని చెప్తే.. వచ్చే ఐపీఎల్ వేలంలో చెన్నై యాజమాన్యం నన్ను కొనుగోలు చేయదు. అది వ్యాపార రహస్యం' అని నవ్వుతూ సమాధానమిచ్చాడు.
ఆ రహస్యం రిటైరయ్యాక చెప్తా : ధోనీ - చెన్నై సూపర్ కింగ్స్
ఐపీఎల్ 12వ సీజన్లో ప్లేఆఫ్ చేరిన తొలి జట్టు చెన్నై సూపర్కింగ్స్. అయితే జట్టు ప్రతిసారి ప్లేఆఫ్ దాటడంపై ఓ రహస్యముందని వెల్లడించాడు సారథి ధోనీ.
ఆ నిజం రిటైరయ్యాక చెప్తా : ధోనీ
అభిమానుల మద్దతు, యాజమాన్యం ఇచ్చిన ప్రోత్సాహమే మా సక్సెస్ మంత్రం అంటూ మాట్లాడాడు. సహాయక బృందం తోడ్పాటుపై ప్రశంసలు కురిపించాడు. ప్రస్తుతం ఇంతకు మించి నేను ఎక్కువగా చెప్పలేను. రిటైర్‌ అయ్యాక ఏమైనా ఉంటే చెప్తా అని అన్నాడు. రాబోతున్న ప్రపంచకప్ పైనే దృష్టి పెడుతున్నట్లు వెల్లడించాడు మిస్టర్ కూల్.
ఈ సీజన్లో 11 మ్యాచ్లు ఆడిన ధోనీసేన 8 విజయాలు సాధించి ...16 పాయింట్లతో అగ్రస్థానంలో ఉంది. 10 మ్యాచుల్లో ఆడిన ధోనీ...314 పరుగులతో మూడో అత్యధిక రన్స్ చేసిన వ్యక్తిగా కొనసాగుతున్నాడు. సీఎస్కే జట్టుకు 155 మ్యాచుల్లో సారథ్యం వహించిన ధోనీ...97 విజయాలు, 57 ఓటములు ఖాతాలో వేసుకున్నాడు.