కోల్కతా వేదికగా జరిగిన మ్యాచ్లో చెన్నై సూపర్ కింగ్స్ 5 వికెట్ల తేడాతో విజయం సాధించింది. కోల్కతా నిర్దేశించిన 162 పరుగుల లక్ష్యాన్ని మరో రెండు బంతులు మిగిలుండగానే ఛేదించింది. రైనా.. ఈ సీజన్లో తొలి అర్ధ సెంచరీ నమోదు చేశాడు. చివరి వరకు నిలిచి 58 పరుగులు సాధించాడు.
రైనా నిలిచాడు.. మ్యాచ్ గెలిపించాడు
162 పరుగుల లక్ష్యంతో బరిలోకి దిగిన చెన్నైకు మంచి ఆరంభమే లభించింది. డుప్లెసిస్ దూకుడుగా ఆడే ప్రయత్నం చేశాడు. మరో ఓపెనర్ వాట్సన్ 6 పరుగులే చేసి పెవిలియన్ బాట పట్టాడు. వన్డౌన్లో దిగిన రైనా స్కోరు పెంచే ప్రయత్నం చేశాడు. ఆ తర్వాత కొద్ది సేపటికే 24 రన్స్ చేసిన డుప్లెసిస్ నరైన్ బౌలింగ్లో ఔటయ్యాడు.
చివరి వరకు నిలిచిన రైనా 58 పరుగులతో అజేయంగా నిలిచాడు. ఐపీఎల్లో 36వ అర్ధ సెంచరీ నమోదు చేశాడు. మిగతా బ్యాట్స్మెన్లో రాయుడు 5, జాదవ్ 20, ధోని 16, జడేజా 31 పరుగులు చేశారు.
కోల్కతా బౌలర్లలో నరైన్, చావ్లా తలో రెండు వికెట్లు తీశారు. హ్యారీ గుర్నే ఒక వికెట్ సాధించాడు.