కోల్కతా నైట్ రైడర్స్తో జరుగుతున్న మ్యాచ్లో రాయల్ ఛాలెంజర్స్ బెంగళూరు 206 పరుగుల భారీ స్కోరు చేసింది. టాస్ ఓడి బ్యాటింగ్కు దిగిన కోహ్లీ సేన ఆరంభం నుంచి ధాటిగా ఆడింది. కోహ్లీ(84, 49 బంతుల్లో), డివిలియర్స్(63, 32 బంతుల్లో) అర్ధ శతకాలతో అదరగొట్టారు. గెలవాలనే కసితో బరిలో దిగిన ఆర్సీబీకి శుభారంభం దక్కింది. పవర్ప్లే ముగిసే సమయానికి 53 పరుగులు చేసింది కోహ్లీ- పటేల్ జోడి.
కోహ్లీ, డివిలియర్స్ మెరుపులు..
64 పరుగుల వద్ద పార్థివ్(25) ఔటైనా... అనంతరం క్రీజులోకి వచ్చిన డివిలియర్స్ విజృంభించాడు. అప్పటికే దూకుడుగా ఆడుతున్నాడు కోహ్లీకి.. అగ్నికి వాయువు తోడైనట్టు ఏబీ జత కలిశాడు. బౌండరీలు, సిక్సర్లతో ఇద్దరూ స్టేడియాన్ని హోరెత్తించారు. 35 బంతుల్లో విరాట్ అర్థ శతకం పూర్తి చేయగా.. డివిలియర్స్ 28 బంతుల్లోనే అందుకున్నాడు. 84 పరుగుల వ్యక్తిగత స్కోరు వద్ద కుల్దీప్కి క్యాచ్ ఇచ్చి విరాట్ వెనుదిరిగాడు. అనంతరం కొద్ది సేపటికే నరైన్ బౌలింగ్లో డివిలియర్స్ పెవిలియన్ చేరాడు. చివర్లో పరుగుల వేగం నెమ్మదించి బెంగళూరు అనుకున్నంత స్కోరు సాధించలేకపోయింది.
కోల్కతా బౌలర్లు ఆరంభం నుంచి అంతగా ప్రభావం చూపించలేదు. సునీల్ నరైన్ మినహా ప్రతి ఒక్కరి బౌలింగ్ను బాదేశారు బెంగళూరు బ్యాట్స్మెన్. నితీశ్ రానా, కుల్దీప్ యాదవ్, సునీల్ నరైన్.. తలో వికెట్ తమ ఖాతాలో వేసుకున్నారు.
