మన్కడింగ్​కు అశ్విన్ ప్లాన్​... ధావన్ డ్యాన్స్

ఐపీఎల్​లో శనివారం జరిగిన పంజాబ్-దిల్లీ మ్యాచ్​లో నవ్వు తెప్పించే సన్నివేశం చోటు చేసుకుంది. అశ్విన్ మన్కడింగ్ చేయాలనుకున్నాడు. బదులుగా ధావన్ నృత్యం చేశాడు.

జైపుర్ వేదికగా పంజాబ్- దిల్లీ మధ్య జరిగిన మ్యాచ్​లో ఆసక్తికర సన్నివేశం కనిపించింది. అశ్విన్ బౌలింగ్ చేస్తుండగా నాన్ స్ట్రైకర్ ఎండ్​లో ఉన్న ధావన్ డ్యాన్స్ చేసి అలరించాడు.

అసలేం జరిగింది..

164 పరుగుల లక్ష్యంతో దిల్లీ బ్యాటింగ్ చేస్తుంది. క్రీజులో శ్రేయస్ అయ్యర్, నాన్ స్ట్రైకర్ ఎండ్​లో ధావన్ ఉన్నారు. 13 ఓవరు బౌలింగ్ చేస్తున్న అశ్విన్.. బంతి వేసే క్రమంలో ఒక్కసారిగా ఆగాడు. మన్కడింగ్ చేస్తాడేమో అనుకున్న ధావన్.. బ్యాటును క్రీజులోనే ఉంచాడు. అనంతరం అశ్విన్​కు బదులిచ్చేందుకు చేతులు కాలు కదుపుతూ డ్యాన్స్ చేశాడు. ఇప్పుడా వీడియో వైరల్​ అవుతోంది.

ఈ మ్యాచ్​లో దిల్లీ 5 వికెట్ల తేడాతో గెలిచింది. శ్రేయస్ అయ్యర్, ధావన్ అర్ధశతకాలతో మెరిశారు. పంజాబ్ జట్టులో గేల్ ఒక్కడే రాణించాడు.

ఇది చదవండి: మెరిసిన ధావన్, శ్రేయస్.. దిల్లీ విజయం