టీ20 ప్రపంచకప్లో తమ జట్టుతో పోటీ పడాలంటే ఇతర జట్లు భయపడే పరిస్థితి ఉంటుందని ఇంగ్లాండ్ బౌలర్ జోఫ్రా ఆర్చర్ అభిప్రాయపడ్డాడు. బెన్స్టోక్స్తో పాటు తాను జట్టులో లేకున్నా.. అత్యున్నత ప్రదర్శన చేసే సత్తా ప్రస్తుత జట్టుకు ఉందని తెలిపాడు. ఇంగ్లాండ్తో మ్యాచ్కు ముందు మిగిలిన టీమ్స్కు నిద్ర కూడా పట్టకపోవచ్చని వెల్లడించాడు.
"గత కొన్నేళ్లలో జట్టుగా మేము విజయవంతంగా కొనసాగుతున్నాం. ర్యాంకింగ్స్లోనూ టాప్ పొజిషన్స్లో ఉన్నాం. ఎలాంటి పరిస్థితుల్లోనైనా మ్యాచ్ గమనాన్నే మార్చే సత్తా ఉన్న ఆటగాళ్లు మా టీమ్లో ఉన్నారు. అవును.. నేను, బెన్స్టోక్స్ ఈ టీ20 ప్రపంచకప్లో ఆడబోవడం లేదు. కానీ.. జట్టు ప్రదర్శనపై నాకు ఎలాంటి ఆందోళన లేదు. టీమ్లో మేము లేకపోయినా.. మా స్థానాలను భర్తీ చేసేందుకు ఎంతోమంది యువ క్రికెటర్లు ఉన్నారు. టీ20 ప్రపంచకప్లో మా టీమ్తో ఆడేందుకు ఇతర జట్లు భయపడే స్థితి వస్తుందని భావిస్తున్నా. మాతో మ్యాచ్కు ముందు వాళ్లకు నిద్ర కూడా పట్టకపోవచ్చు".