టెస్ట్ క్రికెట్లో మేటి బ్యాట్స్మన్.. ఉత్తమమైన బౌలర్ తలపడితే అభిమానులకు పండగే. ఇలాంటి వాటిల్లో టీమ్ఇండియా సారథి విరాట్ కోహ్లీ- ఇంగ్లాండ్ పేసర్ జేమ్స్ ఆండర్సన్ పోరు ఒకటి. ఒకరిపై ఒకరు పైచేయి సాధించేందుకు పోరాడుతూ ఉంటారు. మరికొద్ది గంటల్లో టీమ్ఇండియాతో సిరీస్ ప్రారంభంకానున్న నేపథ్యంలో విరాట్తో పోరు కోసం ఆసక్తికరంగా ఎదురుచూస్తున్నట్టు చెప్పాడు ఆండర్సన్.
విరాట్ కోహ్లీ ప్రభావం టీమ్పై తీవ్రంగా ఉంటుందని అండర్సన్ పేర్కొన్నాడు. అయితే కోహ్లీ వికెట్ మాత్రమే కాదని జట్టులోని ఇతర ఆటగాళ్ల వికెట్ తీయడం కూడా ముఖ్యమే అని అన్నాడు.
"బౌలర్లపై విరుచుకుపడాలని కోహ్లీ ఆశిస్తాడు. అది బౌలర్లకు ఛాలెంజింగ్గా ఉంటుంది. కెప్టెన్గా, బ్యాట్స్మన్గా కోహ్లీ ప్రభావం టీమ్పై తీవ్రంగా ఉంటుంది. భారత్తో ఆడేందుకు ఎదురుచూస్తున్నా. ప్రపంచ ఉత్తమ బ్యాట్స్మన్ కోహ్లీ వికెట్ నేను మాత్రమే తీయాల్సిన పనిలేదు. ఇతర ఆటగాళ్లు ఆయన వికెట్ తీసినా ఫర్వాలేదు. కానీ విరాట్తో పోరుకు ఆసక్తికరంగా ఎదురుచూస్తున్నా."