భారత్ వేదికగా గతంలో జరిగిన రెండు టెస్టు మ్యాచ్ల్లో ఫిక్సింగ్ జరిగినట్లు అల్జజీరా న్యూస్ ఛానల్ రూపొందించిన డాక్యుమెంటరీని అంతర్జాతీయ క్రికెట్ మండలి(ఐసీసీ) తోసిపుచ్చింది. ఆ డాక్యుమెంటరీ మొత్తం ఊహాజనితంగా ఉందని తెలిపింది. అదంతా ఆగమ్యగోచరమమని పేర్కొంది.
2016లో చెన్నైలో జరిగిన ఇంగ్లాండ్-భారత్ టెస్టుతో పాటు 2017లో రాంచీ వేదికగా జరిగిన ఆస్ట్రేలియా-భారత్ మ్యాచ్లోనూ ఫిక్సింగ్ జరిగినట్లు ఆ డాక్యుమెంటరీలో పేర్కొంది అల్ జజీరా. దీనిని 'క్రికెట్స్ మ్యాచ్ ఫిక్సర్స్' పేరుతో విడుదల చేసింది.
ఈ డాక్యుమెంటరీ చిత్రీకరణలో ఐదుగురు వ్యక్తులు పాల్గొన్నట్లు ఐసీసీ తెలిపింది. కానీ వారిపై అభియోగాలు మోపడానికి ఎలాంటి ఆధారాలు లేవని పేర్కొంది. ఇందులో అనీల్ మున్నావార్ అనే బుకీ ప్రస్తావన ఉంది. అతడు చాలా మ్యాచ్ల్లో ఫిక్సింగ్కు ప్రయత్నించినట్లు ఉంది. ఇందులో రెండు మ్యాచ్లు భారత్ వేదికగా విరాట్ కోహ్లీ నాయకత్వంలో జరిగాయని డాక్యుమెంటరీలో తెలిపాడు.
ఇదీ చదవండి:'విజయ్.. నీ బ్యాట్ కంటే నోరే ఎక్కువ మాట్లాడుతుంది'