టీ20 ప్రపంచకప్(T20 World Cup 2021) గెలిచేందుకు కోహ్లీసేనకు కావాల్సినంత ప్రతిభ ఉందని అభిప్రాయపడ్డాడు బీసీసీఐ అధ్యక్షుడు, టీమ్ఇండియా మాజీ సారథి గంగూలీ(Sourav Ganguly on Team India). ఈ మెగా టోర్నీలో భారత ఆటగాళ్లు తెలివి ప్రదర్శించాలని సూచించాడు. అక్టోబర్ 24న పాకిస్థాన్తో టీమ్ఇండియా తొలి మ్యాచ్ ఆడనున్న నేపథ్యంలో దాదా ఈ వ్యాఖ్యలు చేశారు.
"టోర్నీలో అడుగుపెట్టినంత మాత్రాన ఛాంపియన్ అవ్వలేరు. తెలివి ప్రదర్శించి ఆడాల్సి ఉంటుంది. అలా చేస్తేనే కప్పు గెలుస్తారు. టీమ్ఇండియాలో ఆటగాళ్లందరికీ మంచి స్కోరు నమోదు చేసి వికెట్లు తీసే సామర్థ్యం ఉంది. మానసికంగా వారు ధైర్యంతో ఉంటే చాలు టీమ్ఇండియా ప్రపంచకప్ గెలుస్తుంది."
--సౌరవ్ గంగూలీ, బీసీసీఐ అధ్యక్షుడు.