తాలిబన్.. ఈ పేరు చెప్పగానే ప్రస్తుతం అఫ్గాన్లో వారి అకృత్యాలు, అరాచకాలు.. గుర్తొస్తాయి. రాజస్థాన్లో నిర్వహించిన ఓ క్రికెట్ టోర్నీలో మాత్రం 'తాలిబన్ క్రికెట్ క్లబ్' (Taliban Cricket Club) పేరుతో ఓ క్రికెట్ జట్టు పాల్గొనడం చర్చనీయాంశమైంది.
రాజస్థాన్లోని ఓ టీ20 లీగ్లో పాల్గొన్న ఓ జట్టు.. తమ టీమ్ పేరును 'తాలిబన్ క్రికెట్ క్లబ్' అని పెట్టుకుంది. ఈ విషయాన్ని గ్రహించిన నిర్వాహకులు టోర్నీ నుంచి ఆ జట్టును తప్పించారు. తొలి మ్యాచ్ అనంతరం వారిపై నిషేధం విధించారు. ఈ తప్పిదంపై నిర్వాహకులు క్షమాపణలు కూడా చెప్పారు. మరోసారి ఇలాంటివి జరగకుండా చూస్తామని హామీ ఇచ్చారు.