T20 World Cup : పాక్​కు స్లో స్టార్ట్​.. అభిమానులతో హోరెత్తిన స్టేడియం

ఆస్ట్రేలియా వేదికగా జరుగుతున్న టీ20 వరల్డ్​ కప్​లో భారత్,​ పాకిస్థాన్​ తలపడుతున్నాయి. సూపర్​ 12 దశలో రెండు జట్ల మధ్య హోరాహోరీ పోరు జరుగుతోంది.

పొట్టి కప్పు సమరంలో దాయాదులు తలపడుతున్నారు. ఆస్ట్రేలియాలోని మెల్​బోర్న్​ క్రికెట్ గౌండ్​లో అభిమానుల కోలాహలం మధ్య మ్యాచ్​ ప్రారంభమైంది. ఈ మ్యాచ్​లో టీమ్ ఇండియా టాస్​ గెలిచింది. బౌలింగ్​ ఆప్షన్​ను ఎంచుకుంది. అయితే రెండు జట్లు బలంగానే ఉన్నాయి. భారత్​తో పోలిస్తే పాక్​ బౌలింగ్​ లైనప్​ కాస్త మెరుగ్గా ఉంది. భారత ఓపెనర్లు చెలరేగి.. బౌలింగ్​, ఫీల్డింగ్ పెద్ద తప్పులు చేయకుండా ఆడితే టీమ్ ఇండియా విజయం సాధించే అవకాశం ఉంది.

మరోవైపు మెల్​బోర్న్​ క్రికెట్ గ్రౌండ్​ వద్ద అభిమానులు సందడి చేస్తున్నారు. వీరితో పాటు ఆస్ట్రేలియా అభిమానులు కూడా మ్యాచ్​ కోసం ఆత్రుతగా ఉన్నారు. అయితే ఈ మ్యాచ్​పై భారత్​ పాక్​ అభిమానుల మధ్య యుద్ధం నడుస్తోంది. ఈ మ్యాచ్​కు ముందు ఓ వీడియో వైరల్​ అయ్యింది. అందులో ఈ సారి పాకిస్థాన్​పై భారత్​ గెలుస్తుందని ఓ టీమ్ ఇండియా అభిమాని అన్నాడు. దీంతో కోపోద్రిక్తుడైన పాక్​ ఫ్యాన్.. భారత్​ సొంత గడ్డపై మాత్రమే గెలుస్తుందని బదులిచ్చాడు. దీంతో మాట మాట పెరిగి వాగ్వాదానికి దారితీసింది.