రెండో రోజూ మనదే.. విజయానికి 9 వికెట్ల దూరంలో

INDIA VS SRI LANKA: గులాబీ టెస్టు రెండో రోజు ఆటలోనూ టీమ్​ఇండియా అదరగొట్టేసింది. మిడిల్​ఆర్డర్​ బ్యాట్​ ఝళిపించిన వేళ రెండో ఇన్నింగ్స్​లో 303 పరుగుల వద్ద డిక్లేర్ చేసింది. దీంతో శ్రీలంక ముందు 447 పరుగుల భారీ లక్ష్యాన్ని నిలిపింది.

INDIA VS SRI LANKA: బెంగళూరు వేదికగా జరుగుతున్న గులాబీ టెస్టు రెండో రోజు ఆట ముగిసింది. ఆ సమయానికి రెండో ఇన్నింగ్స్​లో శ్రీలంక 28/1 పరుగుల వద్ద నిలిచింది. క్రీజులో మెండిస్ (16*), కరుణరత్నె (10*) ఉన్నారు. భారత బౌలర్లలో బుమ్రా ఒక వికెట్ పడగొట్టాడు. ఇంకా మూడు రోజుల పాటు మిగిలి ఉన్న ఈ మ్యాచ్​లో మరో 419 పరుగులు చేస్తే లంక విజయం సాధిస్తుంది.

అంతకుముందు రెండో ఇన్నింగ్స్​లో భారీ స్కోరు నమోదు చేసింది టీమ్​ఇండియా. రిషభ్ పంత్ (50), శ్రేయస్ అయ్యర్ (67)​ అర్ధశతకాలతో చెలరేగిన వేళ 9 వికెట్ల నష్టానికి 303 పరుగుల వద్ద ఇన్నింగ్స్​ను డిక్లేర్ చేసింది. దీంతో భారత్​కు 447 పరుగుల భారీ ఆధిక్యం లభించింది.