India vs Pakistan World Cup : మహా సమరానికి మరో 24 గంటలే.. మెగాటోర్నీలో దాయాదిపై 'భారత్'​దే పైచేయి

India vs Pakistan World Cup : 2023 వరల్డ్​కప్​లో భాగంగా అక్టోబర్ 14న భారత్-పాకిస్థాన్ మధ్య మ్యాచ్ జరగనుంది. మరో 24 గంటల్లో ఈ మెగా పోరుకు తెర లేవనుంది. ఈ మ్యాచ్​ కోసం కోట్లాది మంది క్రికెట్ ప్రియులు ఎంతో ఆత్రుతగా ఎదురుచూస్తున్నారు.

India vs Pakistan World Cup Rivalry :భారత్-పాకిస్థాన్ మ్యాచ్​ ఎప్పటికీ స్పెషలే. క్రికెట్ ప్రేమికులు ఈ దాయాదుల సమరాన్ని.. ఓ యుద్ధంలా చూస్తారు. క్రికెట్​లో మరే ఇతర జట్ల మ్యాచ్​లకు ఇంతటి క్రేజ్ ఉందదు. యావత్ క్రికెట్ ప్రపంచంలోనే భారత్-పాక్ మ్యాచ్​ అంటే ఫ్యాన్స్​.. ఈ లోకాన్ని మరచి టీవీలకు అతుక్కుపోతుంటారు. ఇక ఇరు దేశాల అభిమానులైతే ఎంతో ఉద్వేగానికి లోనవుతారు కూడా.

కొన్ని కారణాల వల్ల.. గత కొన్నేళ్లుగా భారత్-పాక్ మధ్య ద్వైపాక్షిక సిరీస్​ల్లేవ్. ఈ రెండు జట్లు పోటీపడేది కేవలం ఐసీసీ ఈవెంట్లలోనే. అందుకే ఇరుజట్ల మధ్య పోరుకు మరింత హైప్ పెరిగింది. సుమారు నాలుగేళ్ల తర్వాత.. 2023 ఆసియా కప్​లో తలపడ్డ ఈ చిరకాల ప్రత్యర్థుల పోరుకు ఏ రేంజ్​లో వ్యూస్ వచ్చాయో ప్రత్యేకంగా చెప్పక్కర్లేదు. అయితే ఇప్పుడు మరోసారి 2023 వరల్డ్​కప్​లో భాగంగా మరోసారి.. హై వోల్టేజ్ మ్యాచ్​కు రంగం సిద్ధమైంది. అహ్మదాబాద్ నరేంద్రమోదీ స్టేడియం వేదికగా.. అక్టోబర్ 14న మహా సమరం జరగనుంది. ఈ నేపథ్యంలో వన్డే వరల్డ్​కప్​లో ఇరు జట్ల మధ్య జరిగిన మ్యాచ్​లపై ఓలుక్కేద్దాం.

వరల్డ్​కప్​లో మనదే డామినేషన్..వన్డే ప్రపంచకప్​లో పాక్​పై.. భారత్ పూర్తి ఆధిపత్యం చలాయిస్తూ వస్తోంది.1975-2019 దాకా జరిగిన వన్డే ప్రపంచకప్​ టోర్నీల్లో భారత్-పాక్ ఏడుసార్లు తలపడ్డాయి. ఈ ఏడుసార్లు భారత్.. జయకేతనం ఎగురవేసింది. ఇందులో ముఖ్యంగా 2011 ఎడిషన్​ సెమీఫైనల్ మ్యాచ్ హైలైట్. ఈ మ్యాచ్​లో భారత్ 29 పరుగుల తేడాతో గెలిచి ఫైనల్స్​కు దూసుకెళ్లింది. ఇంకా భారత్ ఎప్పుడుడెప్పడు, ఎక్కడ పాక్​తో తలపడిందంటే..

ఎప్పుడు?	ఎంత మార్జిన్?	ఎక్కడ?
1992 మార్చి 4	43 పరుగులు	సిడ్ని
1996 మార్చి 9	43 పరుగులు	బెంగళూర్
1999 జూన్ 8	47 పరుగులు	మాంచెస్టర్
2003 మార్చి 1	6 వికెట్లు	సెంచూరియన్
2011 మార్చి 30	29 పరుగులు	మొహాలీ
2015 ఫిబ్రవరి 15	76 పరుగులు	అడిలైడ్
2019 జూన్ 16	89 పరుగులు డక్​వర్త్ లూయిస్	మాంచెస్టర్

ఓవరాల్​గా ఎవరిది పైచేయి?
క్రికెట్​లో భారత్-పాకిస్థాన్​ హెడ్​ టు హెడ్​ పోరులో పాక్​దే పైచేయిగా ఉంది. ఇరుజట్లు ఇప్పటివరకూ 134 వన్డే మ్యాచ్​ల్లో తలపడ్డాయి. ఇందులో భారత్ 56 సార్లు విజయం సాధించగా.. పాక్​ 73 మ్యాచ్​ల్లో నెగ్గింది. ఐదింట్లో ఫలితం తేలలేదు. ఇందులో పాక్ తమ సొంత గడ్డపై 17సార్లు విజయం సాధించగా.. భారత్ స్వదేశంలో 11 మ్యాచ్​ల్లో గెలుపొందింది. ఇక భారత్​లోనూ.. టీమ్ఇండియాపై దాయాదికి మంచి రికార్డే ఉంది. భారత్​లో, పాక్ 19సార్లు గెలిచింది.​ ఇక చివరిసారిగా రెండు జట్లు 2023 ఆసియా కప్​లో తలపడ్డాయి. సూపర్ 4లో భాగంగా జరిగిన ఈ మ్యాచ్​లో పాకిస్థాన్​ను, భారత్ 228 పరుగుల భారీ ఆధిక్యంతో చిత్తుగా ఓడించింది.