టీమ్ఇండియా సారథి విరాట్ కోహ్లీ తన సత్తా ఏంటో మరోసారి నిరూపించుకున్నాడు. అడిలైడ్ వేదికగా జరుగుతోన్న తొలిటెస్టు రెండో రోజు ఆటలో.. ఓ అద్భుతమైన క్యాచ్ను పట్టి అదరహో అనిపించాడు. రవి చంద్రన్ అశ్విన్ బౌలింగ్లో ఓ భారీ షాట్ను ఆడేందుకు ప్రయత్నించాడు కామెరూన్ గ్రీన్. అయితే.. అనూహ్యంగా ఆ బంతిని టీమ్ఇండియా సారథి విరాట్ కోహ్లీ.. డైవ్ చేసి పట్టుకున్నాడు. భారత ఆటగాళ్లు అంతకుముందు పలు సులభమైన క్యాచ్లను వదిలేయగా.. కోహ్లీ ఈ క్యాచ్ పట్టుకోవడం విశేషం. భారీ అంచనాలతో బరిలోకి దిగిన గ్రీన్.. ఈ విధంగా పెవిలియన్కు చేరడం.. కోహ్లీసేనకు కలిసొచ్చే అంశం.
పరిమిత ఓవర్ల సిరీస్లో విమర్శలు ఎదుర్కొన్న కోహ్లీ ఈ అద్భుత ప్రదర్శనతో తానేంటో చాటి చెప్పాడు. దీనిపై నెటిజన్లు తమ ఆనందాన్ని వ్యక్తం చేస్తున్నారు. విమానం కాదు, పక్షి కాదు, అతడు విరాట్ కోహ్లీ అంటూ తెగ మురిసిపోతున్నారు. కోహ్లీపై ప్రశంసలు కురిపిస్తున్నారు.