టెస్టుల్లోనూ అదరగొడతాం:నబీ

"టెస్ట్ క్రికెట్ హోదా వచ్చాక మొదటి సిరీస్ గెలిచిన ఆఫ్ఘనిస్థాన్ జట్టుపై ప్రశంసల జల్లు కురుస్తోంది. విజయం పట్ల చాలా సంతోషంగా ఉందని జట్టు ఆటగాడు మహ్మద్ నబీ తెలిపాడు.

టెస్టుల్లో సత్తా చాటడానికి సిద్ధంగా ఉన్నామని ఆఫ్ఘనిస్థాన్ ఆల్​రౌండర్ మహమ్మద్ నబీ తెలిపాడు. ఐర్లాండ్​తో టెస్ట్ సిరీస్ గెలవడం మర్చిపోలేమని అన్నాడు. ఈ గెలుపుతో మాలో ఆత్మవిశ్వాసం పెరిగిందని చెప్పాడు. ఆడిన రెండో మ్యాచ్​లోనే మొదటి టెస్ట్ గెలిచిన జట్టుగా ఆఫ్ఘన్ జట్టు రికార్డు సృష్టించింది.

"ఈ రోజును మరువలేం. టెస్ట్ క్రికెట్ విభిన్నమైనది. బ్యాటింగ్, బౌలింగ్​ విభాగల్లో మా ఆటగాళ్లు రాణించారు. రహ్మత్ షా బ్యాటింగ్​లో అదరగొట్టాడు. తొలిసారి ఐదు వికెట్లు తన ఖాతాలో వేసుకున్న రషీద్ ఖాన్ ఆకట్టుకున్నాడు. టెస్ట్ క్రికెట్​లోనూ మేము రాణిస్తామనడానికి ఇదే నిదర్శనం. టెస్టుల్లో మొదటి స్థానంలో ఉన్న భారత్ స్వదేశంలో బాగా ఆడగలదు. అందుకే మా తొలి టెస్టులో ఓడిపోయాం" -- మహమ్మద్ నబీ, ఆఫ్ఘన్ ఆటగాడు

ఐర్లాండ్​తో జరిగిన టెస్టులో ఆఫ్ఘన్ 7 వికెట్ల తేడాతో నెగ్గింది. రహ్మత్ షా(98), హష్మతుల్లా షాహిది(61) అర్ధశతకాలతో రాణించారు. రషీద్ ఖాన్ 5 వికెట్లతో అదరగొట్టాడు. ప్లేయర్​ ఆఫ్ ది మ్యాచ్​గా రహ్మత్ షా ఎంపికయ్యాడు. అరంగేట్రం మ్యాచ్​లోనే టెస్ట్ సిరీస్ గెలిచిన రికార్డు ఆసీస్ పేరిట ఉంది.