ఆస్ట్రేలియా- భారత్ తొలి టెస్టు జరగనున్న నేపథ్యంలో ఆసక్తికర వ్యాఖ్యలు చేశాడు టీమ్ఇండియా సారథి కోహ్లీ. భారత జట్టు నూతన ప్రతినిధిగా వ్యవహరించడమే తన కర్తవ్యమని పేర్కొన్నాడు. గురువారం అడిలైడ్ వేదికగా మ్యాచ్ ప్రారంభం కానుంది.
"ఆస్ట్రేలియన్ల మనస్తత్వంతో పోల్చుకోవాలని నేనెప్పుడూ అనుకోను. సవాళ్లను స్వీకరించి, సానుకూల దృక్పథంతో ముందుకెళ్లే టీమ్ఇండియాకు నూతన ప్రతినిధిగా వ్యవహరించడమే నా వ్యక్తిత్వం. క్రికెట్ ఆడేందుకు ఆస్ట్రేలియా అద్భుతమైన ప్రదేశం. ఇక్కడ ఆడి చాలామంది ఆటగాళ్లు గౌరవం సంపాదిస్తారు. బుమ్రా అలానే పేరు తెచ్చుకున్నాడు. కానీ, మేం పేరు కంటే మంచి ప్రదర్శన చేయడంపైనే ప్రధానంగా దృష్టి పెడతాం"
-- విరాట్ కోహ్లీ, టీమ్ఇండియా కెప్టెన్