'పృథ్వీని మిడిలార్డర్​లో ఆడించాలి'

అడిలైడ్​ టెస్టులో పేలవ ప్రదర్శన చేసిన పృథ్వీషాకు ఆస్ట్రేలియా మాజీ ఆటగాడు బ్రాడ్​ హగ్ మద్దతుగా నిలిచాడు. అతడిని మిడిల్​ ఆర్డర్​లో ఆడించాలని సూచించాడు.

టీమ్ఇండియా యువ క్రికెటర్ పృథ్వీషాలో ఎంతో ప్రతిభ ఉందని అన్నాడు ఆస్ట్రేలియా మాజీ ఆటగాడు బ్రాడ్ హగ్. అతడిని నాలుగు లేదా ఐదో స్థానంలో ఆడించాలని సూచించాడు.

"దేశవాళీ క్రికెట్​లో పృథ్వీ చాలా పరుగులు చేశాడు. అంటే అతను ప్రతిభావంతుడని అర్థం. దీర్ఘకాలంలో భారత్​ అతడిని నాలుగు లేదా ఐదో స్థానంలో ఆడించాలి. అక్కడే అతడి టెక్నిక్ బాగా కుదురుతుంది" అని తెలిపాడు హాగ్.

అడిలైడ్​లో పరుగులు రాబట్టడానికి షా చాలా ప్రయాసపడ్డాడు. ఓపెనర్​గా వచ్చి కేవలం 0, 4 పరుగులతో పేలవమైన ప్రదర్శన చేశాడు. దీంతో అతడిని పక్కన పెట్టాలని మాజీలు సునీల్​ గావస్కర్​, రికీ పాంటింగ్ సహా ప్రముఖులు సూచించారు. అతడి స్థానంలో శుభ్​మన్​ గిల్​ను​ జట్టులోకి తీసుకోవాలని తమ అభిప్రాయలను వెల్లడించారు.

ఇదీ చూడండి:కోహ్లీ కోసం ధోనీ త్యాగం.. మీరే చూడండి!