India Squad For Afghanistan T20 Series:టీమ్ఇండియా కెప్టెన్ రోహిత్ శర్మ, స్టార్ బ్యాటర్ విరాట్ కోహ్లీ టీ20ల్లో రీ ఎంట్రీ ఇవ్వనున్నారు. జనవరి 11 నుంచి అఫ్గానిస్థాన్తో జరగనున్న టీ20 సిరీస్కు బీసీసీఐ ఆదివారం భారత్ జట్టును ప్రకటించింది. రెగ్యులర్ కెప్టెన్ రోహిత్కు తిరిగి టీ20 పగ్గాలు అప్పగిస్తూ, విరాట్ సహా 16మందితో కూడిన జట్టును బీసీసీఐ ప్రకటించింది.
14 నెలల తర్వాత:కెప్టెన్ రోహిత్, బ్యాటర్ విరాట్ కోహ్లీ దాదాపు 14 నెలల తర్వాత పొట్టి ఫార్మాట్లో బరిలోకి దిగనున్నారు. వీరిద్దరూ 2022 టీ20 వరల్డ్కప్ సెమీస్ తర్వాత ఈ ఫార్మాట్కు దూరంగా ఉంటూ వచ్చారు. కాగా, 2024 వరల్డ్కప్ సమీపిస్తున్న నేపథ్యంలో వీళ్లు టీ20 ఫార్మాట్లో ఆడేందుకు సిద్ధంగా ఉన్నట్లు ఇటీవల బీసీసీఐకి తెలిపినట్లు సమాచారం. కొన్ని రోజులుగా రోహిత్, విరాట్ టీ20 ఫ్యూచర్పై ఉన్న అనుమానాలన్నీ ఈ సిరీస్తో తీరిపోనున్నాయి.
భారత్ జట్టు: రోహిత్ శర్మ (కెప్టెన్), శుభ్మన్ గిల్, యశస్వీ జైశ్వాల్, విరాట్ కోహ్లీ, తిలక్ వర్మ, రింకూ సింగ్, జితేశ్ శర్మ, సంజూ శాంసన్, శివమ్ దూబే, వాషింగ్టన్ సుందర్, అక్షర్ పటేల్, రవి బిష్ణోయ్, కుల్దీప్ యాదవ్, అర్షదీప్ సింగ్, ఆవేశ్ ఖాన్, ముకేశ్ ఖాన్
Afghanistan Squad For India Series: అఫ్గానిస్థాన్ బోర్డు కూడా శనివారం జట్టును ప్రకటించింది. ఈ సిరీస్తో జట్టులో స్టార్ ఆల్రౌండర్ రషీద్ ఖాన్ టీ20ల్లో రీ ఎంట్రీ ఇచ్చాడు. ఈ జట్టుకు ఇబ్రహీమ్ జోర్డాన్కు కెప్టెన్గా వ్యవహరించనున్నాడు.