దక్షిణాఫ్రికాతో టీ20 సిరీస్ నుంచి రాహుల్, కుల్దీప్ ఔట్
18:00 June 08
దక్షిణాఫ్రికాతో టీ20 సిరీస్ నుంచి రాహుల్, కుల్దీప్ ఔట్
దక్షిణాఫ్రికాతో తొలి టీ20కి ముందు ఆటగాళ్లకు గాయాలు కావడం జట్టుకు ఆందోళన కలిగిస్తోంది. టీమ్ఇండియాకు కీలక ఆటగాళ్లు అయిన కెప్టెన్ కేఎల్ రాహుల్, స్పిన్నర్ కుల్దీప్ యాదవ్లు ప్రాక్టిస్ సెషన్లో గాయపడ్డారు. గాయం తీవ్రంగా ఉండటం వల్ల వీరిద్దరూ సఫారీలతో జరగనున్న ఈ టీ20 సిరీస్కు పూర్తిగా దూరమయ్యారు. ఈ మేరకు బీసీసీఐ వర్గాలు ప్రకటించాయి.
రోహిత్ స్థానంలో కెప్టెన్సీ బాధ్యతలు అందుకున్న రాహుల్ ఇప్పుడు జట్టుకు దూరమయ్యాడు. ఈ నేపథ్యంలో రాహుల్ స్థానంలో రిషబ్ పంత్కు కెప్టెన్సీ బాధ్యతలు అప్పగించింది బీసీసీఐ. వరుస టీ20 విజయాలతో ఫామ్లో ఉన్న భారత్.. మరో విజయం సాధిస్తే రికార్డు నెలకొల్పనుంది. ఈ సమయంలో ఇద్దరు కీలక ఆటగాళ్లు దూరం కావడంతో జట్టుకు ఎదురుదెబ్బ తగిలినట్లు అయింది.
ఇదీ చూడండి :కోచ్పై లైంగిక ఆరోపణలు.. భారత సైక్లిస్ట్ బృందం రిటర్న్