టీమ్ఇండియా గెలుపు.. తొలి టీ20లో విండీస్​పై విక్టరీ

వెస్టిండీస్​తో మొదటి టీ20లో టీమ్​ఇండియా విజయం సాధించింది. 18.5 ఓవర్లలోనే లక్ష్యాన్ని ఛేదించింది. రోహిత్ శర్మ 40 పరుగులతో రాణించగా, భారత బౌలర్లు మెరుగైన ప్రదర్శన చేశారు.

వెస్టిండీస్​తో తొలి టీ20లో టీమ్​ఇండియా అదరగొట్టింది. బంతితో, బ్యాట్​తో ప్రత్యర్థిపై పైచేయి సాధించింది. వెస్టిండీస్​పై 6 వికెట్ల తేడాతో విజయం సాధించింది.

కోల్​కతా వేదికగా జరిగిన ఈ మ్యాచ్​లో 158 పరుగుల లక్ష్యంతో బరిలోకి దిగిన టీమ్​ఇండియా.. రోహిత్ శర్మ(40), ఇషాన్ కిషన్ (35), సూర్యకుమార్(34), వెంకటేష్ అయ్యర్(24) రాణించడం వల్ల లక్ష్యాన్ని 18.5 ఓవర్లలోనే ఛేదించింది. విండీస్ బౌలర్లలో ఛేజ్ 2 వికెట్లు తీయగా, అలెన్-కాట్రెల్ తలో వికెట్ పడగొట్టారు.

అంతకు ముందు టాస్ ఓడి బ్యాటింగ్​కు దిగిన వెస్టిండీస్.. నిర్ణీత ఓవర్లలో 157/7 స్కోరు మాత్రమే చేయగలిగింది. పూరన్(61)​ అర్థసెంచరీతో ఆకట్టుకున్నాడు. మేయర్స్​(31), పొలార్డ్​(24) తమ వంతు సాయం అందించారు. భారత బౌలర్లలో రవి బిష్ణోయ్, హర్షల్ పటేల్ తలో రెండు వికెట్లు పడగొట్టగా.. చాహల్, భువనేశ్వర్ కుమార్, దీపక్ చాహర్ ఒక్కో వికెట్ తీశారు.

ఇది చదవండి:టీ20లో అత్యధిక పరుగులు.. రోహిత్​-కోహ్లీ దోబూచులాట