IND VS WI: వెస్టిండీస్తో జరిగిన రెండో వన్డేలోనూ టీమ్ఇండియానే గెలుపొందింది. 44పరుగుల తేడాతో విజయాన్ని అందుకుంది. ఫలితంగా ఓ మ్యాచ్ మిగిలి ఉండగానే సిరీస్ను కైవసం చేసుకుంది.
భారత్ నిర్దేశించిన 238 పరుగుల లక్ష్యంతో.. ఛేదనకు దిగిన విండీస్ 46 ఓవర్లలో 193 పరుగులకు ఆలౌటైంది. ఈ విజయంతో వన్డే సిరీస్ భారత్ సొంతమైంది. భారత విజయంలో ప్రసిద్ధ్‌ కృష్ణ 4 వికెట్లు కీలకంగా వ్యవహరించాడు. విండీస్ బ్యాటర్లలో షమా బ్రూక్స్‌ (44) టాప్‌ స్కోరర్‌. అకీల్‌ హోసెయిన్‌ (34) కీలక ఇన్నింగ్స్‌ ఆడాడు. ఓపెనర్లు షాయ్‌ హోప్‌ (27), బ్రెండన్‌ కింగ్‌ (18) పరుగులు చేసి వెనుదిరిగారు. డారెన్ బ్రావో (1), నికోలస్ పూరన్‌ (9), జేసన్‌ హోల్డర్ (2), ఫేబియన్‌ అలెన్ (13), కీమర్‌ రోచ్ (0) విఫలమయ్యారు. ఆఖర్లో వచ్చిన ఓడీన్‌ స్మిత్ (24) ధాటిగా ఆడాడు. అల్జారీ జోసెఫ్‌ (7) నాటౌట్‌గా నిలిచాడు. భారత బౌలర్లలో ప్రసిద్ధ్‌ కృష్ణ 4, శార్దూల్ ఠాకూర్‌ 2, యుజ్వేంద్ర చాహల్‌, దీపక్‌ హుడా, మహమ్మద్‌ సిరాజ్‌, వాషింగ్టన్‌ సుందర్‌ తలో వికెట్ పడగొట్టారు. మూడు వన్డేల సిరీస్లో భారత్ ప్రస్తుతం 2-0 ఆధిక్యంతో కొనసాగుతోంది.