శ్రీలంకతో జరిగిన తొలి టీ20లో భారత్ 38 పరుగుల తేడాతో గెలుపొందింది. భారత బౌలర్లలో భువనేశ్వర్ కుమార్ నాలుగు వికెట్లు, దీపక్ చాహర్ రెండు వికెట్లతో రాణించారు. దీంతో మూడు మ్యాచ్ల టీ20 సిరీస్లో 1-0తో ముందంజ వేసింది ధావన్ సేన.
165 పరుగుల మోస్తారు లక్ష్యంతో బరిలోకి దిగిన లంకకు.. ఫెర్నాండో- మినోద్ భానుక జోడీ 23 పరుగుల భాగస్వామ్యం నమోదు చేసింది. కుదురుకుంటున్నట్లు కనిపించిన ఈ జంటను కృనాల్ విడదీశాడు. అనంతరం బ్యాటింగ్ వచ్చిన డిసిల్వా కూడా స్వల్ప స్కోరుకే వెనుదిరిగాడు. చాహల్ బౌలింగ్లో క్లీన్ బౌల్డ్గా పెవిలియన్ చేరాడు. స్కోరు బోర్డులో మరో రెండు పరుగులు కలిశాయో లేదో మరో ఓపెనర్ ఫెర్నాండో భువీ బౌలింగ్లో నిష్క్రమించాడు.