ఆస్పత్రి నుంచి ఇషాన్​ కిషన్​ డిశ్చార్జి.. మూడో టీ-20కి దూరం

IND VS SL Ishan kishan injury: రెండో టీ20లో తలకు గాయమవ్వడం వల్ల టీమ్​ఇండియా యువ ప్లేయర్​ ఇషాన్​ కిషన్​ను అక్కడి ఆస్పత్రికి తరలించారు. తలకు స్కానింగ్​ తీశారు. అనంతరం డిశ్చార్జి అయ్యాడు. ఈ గాయం కారణంగా అతడికి మూడో టీ20కి విశ్రాంతి కల్పించింది బీసీసీఐ.

IND VS SL Ishan kishan injury: టీమ్​ఇండియాను గాయాల బెడద వీడట్లేదు. ఇప్పటికే పలువురు ఆటగాళ్లు గాయాలతో శ్రీలంకతో సిరీస్​కు దూరమవ్వగా ఇప్పుడు యువ ప్లేయర్ ఇషాన్​ కూడా మూడో టీ-20కి దూరమయ్యాడు.

శనివారం లంకతో జరిగిన రెండో టీ20లో అతడి తలకు బంతి తగిలి గాయమైంది. ఇన్నింగ్స్​ నాలుగో ఓవర్​లో లహిరు కుమారా 147.6 కిమీ వేగంతో బౌన్సర్​ వేశాడు. దానిని డిఫెండ్​ చేసే క్రమంలో ఇషాన్​ హెల్మెట్​కు బంతి బలంగా తాకింది. వెంటనే ఫిజియో వచ్చి అతడిని పరిశీలించాడు.

ఆ తర్వాత అక్కడి ఓ హాస్పిటల్​కు ఇషాన్​ను తరలించారు. తలకు తగిలినది బలమైన గాయమా లేదా సాధారణమైనదా అని తెలుసుకునేందుకు బ్రెయిన్​ స్కానింగ్​ చేశారు. అనంతరం అతడిని డిశ్చార్జి చేశారు. అయితే.. బీసీసీఐ వైద్య బృందం అతడిని దగ్గరుండి పర్యవేక్షించనుంది. ఈ నేపథ్యంలో మూడో టీ-20కి అతడిని దూరంగా ఉంచినట్లు బీసీసీఐ తెలిపింది.

ఇక రెండో ఇన్నింగ్స్‌లో లంక ఆటగాడు చండీమాల్‌ ఫీల్డింగ్‌ చేస్తుండగా చేతి బొటన వేలికి గాయమైంది. అతడిని కూడా ఇదే ఆస్పత్రికి తరలించారు చికిత్స అందించారు.

రెండో టీ20 టీమ్​ఇండియా 7 వికెట్ల తేడాతో విజయం సాధించి మరో మ్యాచ్​ మిగిలి ఉండగానే సిరీస్​ను సొంతం చేసుకుంది. మూడో టీ20 నేడు(ఆదివారం) సాయంత్రం ధర్మశాలలో జరగనుంది.

ఇదీ చూడండి: IPL 2022: కొత్త లుక్​లో ధోనీ​.. ఎవరూ గుర్తుపట్టలేనంతగా!