Ind Vs SL Asia Cup Finals :2023 ఆసియా కప్ ఫైనల్ మ్యాచ్లో శ్రీలంక ఇన్నింగ్స్ ముగిసింది. భారత స్టార్ పేసర్ సిరాజ్ధాటికి.. నిలబడలేకపోయిన లంక జట్టు 50 పరుగులకే ఆలౌటైంది. ఈ క్రమంలో ఏకంగా ఏడుగురు బ్యాటర్లు సింగిల్ డిజిట్కు పరిమితంగా కాగా.. అందులో నలుగురు మాత్రం పరుగుల ఖాతానే తెరవలేకపోయారు. ఇక 17 పరుగులు చేసిన కుశాల్ మెండిస్.. లంక బ్యాటర్లలో టాప్ స్కోరర్గా నిలిచాడు. వికెట్ల పతనానికి జస్ప్రీత్ బుమ్రా శ్రీకారం చుట్టగా.. దాన్ని సిరాజ్ కొనసాగించాడు. ఫలితంగా శ్రీలంక ఏ దశలోనూ కోలుకోలేదు. ఏకంగా ఆరు వికెట్లను పడగొట్టి లంక జట్టును చిత్తు చేశాడు. ఇక హార్దిక్ పాండ్య 3, బుమ్రా 1 వికెట్ పడగొట్టారు. అద్భుత ప్రదర్శనకు గాను సిరాజ్ 'మ్యాన్ ఆఫ్ ది మ్యాచ్' అవార్డును దక్కించుకున్నాడు.
ఆ రికార్డు సమం..
సిరాజ్ ఈ మ్యాచ్లో 16 బంతుల్లోనే ఐదు వికెట్లు నేలకూల్చాడు. దీంతో శ్రీలంక దిగ్గజం చమిందావాస్ రికార్డును సమం చేశాడు. చమిందావాస్ 2023 ప్రపంచకప్లో బంగ్లాదేశ్పై 16 బంతుల్లో ఐదు వికెట్లు తీసి ఈ ఫీట్ సాధించాడు. తాజాగా సిరాజ్ ఆ ఘనతను అందుకున్నాడు. ఇక మొత్తంగా ఈ మ్యాచ్లో సిరాజ్.. 7 ఓవర్లు బౌలింగ్ చేసి.. 21 పరుగులిచ్చి 6 వికెట్లు పడగొట్టాడు. ఇందులో ఓ మెయిడేన్ ఓవర్ ఉంది. ఇక సిరాజ్ వన్డే కెరీర్లో ఇదే అత్యుత్తమ ప్రదర్శన. ఇకపోతే భారత్ తరఫున అత్యుత్తమ బౌలింగ్ గణాంకాలు నమోదు చేసిన నాలుగో బౌలర్గా సిరాజ్ రికార్డులకెక్కాడు. అతడి కంటే ముందు స్టువర్ట్ బిన్నీ (6/4), అనిల్ కుంబ్లే (6/12), బుమ్రా (6/19) ఈ జాబితాలో ఉన్నారు.