IND vs SL Asia Cup 2023 Final : భారత్ 2023 ఆసియా కప్విజేతగా నిలిచింది. ఆతిథ్య శ్రీలంక జట్టును ఫైనల్స్లో రోహిత్ సేన.. 10 వికెట్ల తేడాతో మట్టి మట్టికరిపించింది. ఈ విజయంపై భారత ప్రధాని నరేంద్రమోదీ ట్విట్టర్లో టీమ్ఇండియాకు శుభాకాంక్షలు తెలిపారు. ఇక ఈ మ్యాచ్లోని మరికొన్ని విశేషాలు..
- ఈ విజయంలో టీమ్ఇండియావన్డే ర్యాంకింగ్స్లో రెండో స్థానాన్ని దక్కించుకుంది. దాదాపు ఏడాదిన్నర తర్వాత టీమ్ఇండియా ఈ పొజిషన్కు చేరింది. ప్రస్తుతం భారత్ 114.65 రేటింగ్ పాయింట్స్తో రెండో స్థానంలో కొనసాగుతోంది.
- రోహిత్ శర్మ కెప్టెన్సీలో టీమ్ఇండియాకు.. ఇది రెండో ఆసియా కప్ టైటిల్. మొదటిది 2018లో సాధించింది. టీమ్ఇండియాకు మొత్తంగా ఇది ఎనిమిదో (7 వన్డే, 1 టీ20) టైటిల్.
- ఈ టోర్నీలో భాగంగా కొలంబో, క్యాండీ మైదానాల్లో పనిచేసిన పనిచేసిన క్యూరేటర్లు, గ్రౌండ్స్‌మెన్స్‌కు.. ఏసీసీ (ఆసియా క్రికెట్ కౌన్సిల్) 50వేల డాలర్లు అందించింది. ఈ టోర్నీలో వర్షం కారణంగా దెబ్బతిన్న పిచ్లను.. గ్రౌండ్‌సిబ్బంది ఎప్పటికప్పుడు బాగుచేసి, ఆడేందుకు అందుబాటులో తెచ్చినందుకుగాను ఏసీసీ ఈ నజరానా ప్రకటించింది.
- సూపర్ 4 లో పాకిస్థాన్, శ్రీలంకపై విజయాల్లో కీలక పాత్ర పోషించిన కుల్దీప్ యాదవ్ (9 వికెట్లు)కు 'మ్యాన్ ఆఫ్ ది సిరీస్' అవార్డు దక్కింది.
- ఈ మ్యాచ్లో టీమ్ఇండియా 263 బంతులు మిగిలుండగానే నెగ్గింది. దీంతో భారత్కు వన్డేల్లో (బంతుల పరంగా) ఇదే అతి పెద్ద విజయం.
- ఇక ఈ మ్యాచ్లో ఇరుజట్లు కలిసి కేవలం 129 బంతులు ఆడాయి. తక్కువ బంతుల్లో ఫలితం తేలిన లిస్ట్లో ఈ మ్యాచ్ మూడోది. కాగా 2020లో నేపాల్ వర్సెస్ యూఎస్ఏ మ్యాచ్ మొదటిది. ఈ మ్యాచ్లో 104 బంతుల్లోనే రిజల్ట్ వచ్చేసింది.
- ఈ మ్యాచ్ హీరో సిరాజ్.. వన్డేల్లో కెరీర్ బెస్ట్ ప్రదర్శన (6/21)తో ఆకట్టుకున్నాడు. ఈ క్రమంలో వన్డేల్లో శ్రీలంకపై అత్యుత్తమ బౌలింగ్ ప్రదర్శన కనబర్చిన బౌలర్గా రికార్డు సాధించాడు. ఇదివరకు ఈ ఘనత పాకిస్థాన్ పైసర్ వకార్ యూనిస్ (6/26) పేరిట ఉండేది.
- ఆసియా కప్ హిస్టరీలో అత్యల్ప స్కోరు (50) చేసిన జట్టు శ్రీలంక. అంతకుముందు బంగ్లాదేశ్ (87.. 2000లో పాకిస్థాన్‌పై) పేరిట ఉండేది.