IND Vs SL: క్రికెట్ అభిమానులకు కర్ణాటక రాష్ట్ర క్రికెట్ సంఘం శుభవార్త అందించింది. శ్రీలంకతో టెస్టు సిరీస్లో భాగంగా జరుగనున్న రెండో టెస్టుకు 100శాతం ప్రేక్షకులను అనుమతినిచ్చింది. మార్చి 12 నుంచి మార్చి 16 వరకు బెంగళూరులోని చిన్నస్వామి స్టేడియంలో డే/నైట్ టెస్టు జరగనుంది.
అంతకుముందు 50 శాతం ప్రేక్షకులకే అనుమతి ఉండగా.. దేశంలో కరోనా అదుపులోకి రావడం వల్ల ఈ మేరకు నిర్ణయం తీసుకున్నారు. మిగిలిన టికెట్లను మార్చి 11 నుంచి స్టేడియం వద్దే అందుబాటులో ఉంచనున్నారు.