IND VS SA: దక్షిణాఫ్రికాతో ఆదివారం జరిగిన మూడో వన్డేలో ఆల్రౌండర్ దీపక్ చాహర్ ఇన్నింగ్స్పై సంతృప్తి వ్యక్తం చేశాడు టీమ్ఇండియా కోచ్ ద్రవిడ్. తనకు లభించిన అన్ని అవకాశాల్లో చాహర్ ప్రతిభ కనబరచాడని అన్నాడు. అతడికి అద్భుతమైన బ్యాటింగ్ సామర్థ్యం ఉందన్నాడు.
"దీపక్ చాహర్.. తనకిచ్చిన ప్రతి అవకాశాన్ని సద్వినియోగం చేసుకున్నాడు. శ్రీలంక, దక్షిణాఫ్రికా జట్లపై అద్భుత ప్రదర్శన చేశాడు. చాహర్కు బ్యాటింగ్ సామర్థ్యం ఉంది. అతడు బౌలింగ్తోనూ అద్భుతాలు చేయడం మనకు తెలుసు. భవిష్యత్తులో అతడికి మరిన్ని అవకాశాలు ఉంటాయి." అని మ్యాచ్ అనంతరం టీమ్ఇండియా హెడ్ కోచ్ ద్రవిడ్ అన్నాడు.
"శార్దుల్ ఠాకూర్, దీపక్ చాహర్ లాంటి వాళ్లు జట్టులో ఉండటం టీమ్కు బలం. బౌలింగ్తోపాటు బ్యాటింగ్తోనూ ఆకట్టుకుంటున్నారు." అని ద్రవిడ్ తెలిపాడు.
వరల్డ్కప్పై దృష్టి..
IND VS SA: "దక్షిణాఫ్రికాతో వన్డే సిరీస్లో పరాభవం నుంచి పాఠాలు నేర్చుకోవాలి. 2019 వరల్డ్కప్ తర్వాత టీమ్ఇండియా ఎక్కువ వన్డేలు ఆడలేదు. అదృష్టవశాత్తూ 2023 వరల్డ్కప్నకు ముందు మాకు సమయం దొరికింది. ఇదో గొప్ప అవకాశం"
దక్షిణాఫ్రికాతో జరిగిన రెండు, మూడు వన్డేల్లో పేలవ షాట్స్తో ఓడిపోయాం. స్మార్ట్ క్రికెట్ ఆడలేదని కోచ్ ద్రవిడ్ అన్నాడు. ఈ సిరీస్ ఓటమి నుంచి చాలా నేర్చుకోవాలని తెలిపాడు.
దక్షిణాఫ్రికాతో జరిగిన మూడో వన్డేలో తొలుత బ్యాటింగ్ చేసిన సఫారీలు 287 పరుగులకు ఆలౌటయ్యారు. అనంతరం లక్ష్య ఛేదనలో టీమ్ఇండియా 49.2 ఓవర్లలో 283 పరుగులకే పరిమితమైంది. విరాట్ కోహ్లీ (65), శిఖర్ ధావన్ (61), దీపక్ చాహర్ (54) అర్ధశతకాలు సాధించినా ఓటమి తప్పలేదు. దీంతో 3-0 తేడాతో ప్రొటీస్ జట్టు సిరీస్ను కైవసం చేసుకుంది.
సంబంధం కోసం వెతుకుతున్నారా? తెలుగు మాట్రిమోనిలో రిజిస్ట్రేషన్ ఉచితం!
ఇదీ చూడండి:IND VS SA: ఉత్కంఠపోరులో భారత్ ఓటమి.. క్లీన్‌స్వీప్‌ చేసిన సఫారీలు
