IND Vs SA: దక్షిణాఫ్రికాతో జరుగుతున్న మూడో టెస్టు తొలి రోజు ఆట ముగిసింది. ఆటపూర్తయ్యే సమయానికి తొలి ఇన్నింగ్స్లో 8 ఓవర్లు ఆడిన ప్రొటీస్ జట్టువికెట్ నష్టానికి 17 పరుగులు చేసింది. ప్రస్తుతం క్రీజులో మహారాజ్(6), మార్క్రమ్(8)ఉన్నారు. భారత బౌలర్లలో బుమ్రా ఓ వికెట్ తీశాడు. అంతకుముందు టీమ్ఇండియా తొలి ఇన్నింగ్స్లో 223 పరుగులకు ఆలౌటైంది.
ఆట సాగిందిలా..
టాస్ గెలిచి బ్యాటింగ్ ఎంచుకున్న భారత్ తొలిరోజే కష్టాల్లో పడింది. మొదటి సెషన్ ఆరంభంలోనే ఓపెనర్లను కోల్పోయిన భారత జట్టు మూడో సెషన్ ముగియకముందే ఆలౌటైంది. విరాట్ కోహ్లీ(79) ఒంటరి పోరాటం చేయగా.. పుజారా(43), పంత్(27) ఫర్వాలేదనిపించారు. రహానే(9), అశ్విన్(2), శార్దూల్ ఠాకూర్(12) ఘోరంగా విఫలమయ్యారు. దీంతో 77 ఓవర్లలో 223 పరుగులు చేసింది భారత్.
దక్షిణాఫ్రికా బౌలర్లలో కగిసొ రబాడ(4), మార్కో జాన్సన్(3) వికెట్లు పడగొట్టి భారత్ బ్యాటర్లపై విరుచుకుపడ్డారు. ఒలివర్, ఎంగిడి, మహారాజ్ తలో వికెట్ తీశారు.