IND vs SA 2nd Test: టీమ్ఇండియాతో రెండో టెస్టులో పైచేయి సాధించింది దక్షిణాఫ్రికా జట్టు. మూడో రోజు ఆటముగిసే సమయానికి రెండో ఇన్నింగ్స్లో రెండు వికెట్లు కోల్పోయి 118 పరుగులు చేసింది. మరో 122 పరుగులు సాధిస్తే దక్షిణాఫ్రికాకు విజయం సొంతం కానుంది. ప్రస్తుతం క్రీజులో ఎల్గర్(46), వాన్ డర్ డసెన్(11) ఉన్నారు.
టీమ్ఇండియా బౌలర్లలో శార్దుల్ ఠాకూర్, రవిచంద్రన్ అశ్విన్ తలో వికెట్ పడగొట్టారు.
మరో రెండు రోజుల ఆట మిగిలిఉన్న నేపథ్యంలో ఫలితం తేలడం ఖాయం.
అంతకుముందు టీమ్ఇండియా రెండో ఇన్నింగ్స్లో 266 పరుగులకు ఆలౌటైంది. ప్రొటీస్ ముందు 240 పరుగుల లక్ష్యాన్ని ఉంచింది.