Ind Vs Sa 2nd Test 2024: కేప్టౌన్ వేదికగా జరుగుతున్న రెండో టెస్టులో టీమ్ఇండియా అదరగొడుతోంది. టాస్ నెగ్గి బ్యాటింగ్ ఎంచుకున్న సౌతాఫ్రికాను తొలి ఇన్నింగ్స్లో టీమ్ఇండియా బౌలర్లు ఓ ఆట ఆడేసుకున్నారు.పేస్కు సహకరిస్తున్న పిచ్పై నిప్పులు చెరుగుతూ సఫారీ జట్టును 55 పరుగులకే ఆలౌట్ చేశారు. పేస్ బౌలర్ మహ్మద్ సిరాజ్ ఏకంగా ఆరు వికెట్లతో ప్రత్యర్థి పతనాన్ని శాసించగా, జస్ప్రీత్ బుమ్రా 2, ముకేశ్ కుమార్ 2 వికెట్లు దక్కించుకున్నారు.
India Batting First Innings:రెండో సెషన్లోనే బ్యాటింగ్ ప్రారంభించిన టీమ్ఇండియా కూడా ఫ్లాట్ పిచ్పై పరుగులు చేయడానికి కష్టపడింది. 34.5 ఓవర్లలో 153 పరుగులకు ఆలౌటైంది. కెప్టెన్ రోహిత్ శర్మ (39 పరుగులు), యంగ్ బ్యాటర్ శుభ్మన్ గిల్ (36), విరాట్ కోహ్లీ (46) మాత్రమే రాణించారు. ఓపెనర్ యశస్వీ జైశ్వాల్ (0), శ్రేయస్ అయ్యర్ (0) ఇద్దరూ పరుగుల ఖాతా తెరవకుండానే పెవిలియన్ చేరారు. సఫారీ పేసర్ల దెబ్బకు టీమ్ఇండియాలో మొత్తం ఆరుగురు బ్యాటర్లు డకౌటయ్యారు. దీంతో 153 పరుగుల వద్దే భారత్ చివరి ఆరు వికెట్లు కోల్పోయింది. సఫారీ బౌలర్లలో లుంగి ఎంగ్డీ, కగిసో రబాడా, బర్గర్ తలో మూడు వికెట్లు దక్కించుకున్నారు.
ఈ మ్యాచ్లో పలు విశేషాలు
టెస్టుల్లో భారత్‌పై అత్యల్ప స్కోర్లు
- 55 - సౌతాఫ్రికా (కేప్ టౌన్) 2024
- 62 - న్యూజిలాండ్ (ముంబయి) 2021
- 79 - సౌతాఫ్రికా(నాగ్‌పూర్) 2015
- 81 - ఇంగ్లాండ్ (అహ్మదాబాద్) 2021
- 82 - శ్రీలంక (చండీగఢ్) 1990