Ind vs Pak World Cup 2023 Ceremony :2023 వరల్డ్కప్లో భాగంగా అక్టోబర్ 14న అహ్మదాబాద్ వేదికగా భారత్-పాకిస్థాన్ మ్యాచ్ జరగనున్నట్లు తెలిలిందే. అయితే బీసీసీఐ, ఐసీసీ.. ఈ దాయాదుల సమరానికి ముందు సాంస్కృతిక కార్యక్రమాలు నిర్వహించనున్నట్లు తెలుస్తోంది. దేశంలోని ప్రముఖులు, బాలీవుడ్ నటీనటులు, సింగర్లు, డ్యాన్సర్లు ఈ ఈవెంట్కు హాజరు కానున్నారని కొన్ని కథనాలు వచ్చాయి. ఈ క్రమంలో బాలీవుడ్ సింగర్ అర్జిత్ సింగ్.. శనివారం ఉదయం అహ్మదాబాద్కు చేరుకున్నారు.
అయితే టోర్నమెంట్ ప్రారంభానికి ముందు ఎలాంటి ఈవెంట్ జరపకపోగా.. ప్రత్యేకంగా భారత్-పాక్ మ్యాచ్కు మాత్రమే ఇలా చేస్తుండడం పట్ల సోషల్ మీడియాలో బీసీసీఐ, ఐసీసీపై విమర్శలు వస్తున్నాయి. క్రికెట్లో ఎంతో ప్రతిష్ఠాత్మకంగా భావించే ప్రపంచకప్లో భారత్-పాక్ మ్యాచ్‌ను ప్రత్యేకంగా ట్రీట్ చేయడం.. క్రికెట్ ప్రపంచంలో చర్చకు దారి తీసింది. వరల్డ్కప్లో అన్ని జట్లను సమానంగా చూడాలని, ఒకరు ఎక్కువ ఇంకొకరు తక్కువ కాదని, నిబంధనలు అందరికీ సమానంగా ఉండాలని.. కానీ ప్రస్తుత వరల్డ్కప్లో సమన్యాయం కనిపించడం లేదని విమర్శలు వ్యక్తమవుతున్నాయి. దీనిపై స్వయంగా భారత్ ఫ్యాన్స్ కూడా ఈ విషయంపై వ్యతిరేకత వ్యక్తం చేస్తున్నారు.
బలంగా టీమ్ఇండియా బ్యాటింగ్ !చిరకాల ప్రత్యర్థుల పోరులో టీమ్ఇండియాదే పైచేయిగా కనిపిస్తోంది. గత మ్యాచ్తో కెప్టెన్ రోహిత్ కూడా ఫామ్లోకి రావడం కలిసొచ్చే అంశం. ఇక వన్డౌన్, మిడిల్ ఆర్డర్లో శ్రేయస్ అయ్యర్, కేఎల్ రాహుల్ ఉండనే ఉన్నారు. ఆల్రౌండర్లు హార్దిక్ పాండ్య, రవీంద్ర జడేజా జట్టుకు కీలకం కానున్నారు.