Ind vs Nz World Cup 2023 :2023 వరల్డ్కప్లో భాగంగా ధర్మశాల వేదికగా భారత్ - న్యూజిలాండ్ తలపడుతున్నాయి. 274 పరుగుల లక్ష్య ఛేదనలో భారత్.. అద్భుతంగా పోరాడుతోంది. ఓపెనర్లు ఇద్దరూ రోహిత్ (46), శుభ్మన్ గిల్ (26) ఔటైనా.. స్టార్ బ్యాటర్ విరాట్ కోహ్లీ, శ్రేయస్ అయ్యర్ నిలకడగా రాణిస్తున్నారు. ఈ క్రమంలో టీమ్ఇండియా యంగ్ బ్యాటర్ గిల్.. ఓ అరుదైన మైలురాయి అందుకున్నాడు.
గిల్@2000..శుభ్మన్ గిల్ ఈ మ్యాచ్తో వన్డే కెరీర్లో 2వేల పరుగుల మైలురాయి అందుకున్నాడు. గిల్ ఈ ఘనత సాధించేందుకు కేవలం 38 ఇన్నింగ్స్ తీసుకున్నాడు. ఈ క్రమంలో వన్డేల్లో వేగంగా 2000 పరుగులు పూర్తి చేసిన ఆటగాడిగా రికార్డుకెక్కాడు.
వన్డేల్లో తక్కువ ఇన్నింగ్స్ల్లో 2 వేల పరుగులు పూర్తి చేసిన ఆటగాళ్లు..
- శుభ్మన్ గిల్ - 38 ఇన్నింగ్స్
- హషిమ్ ఆమ్లా - 40 ఇన్నింగ్స్
- జహీర్ అబ్బాస్ - 45 ఇన్నింగ్స్
- కెవిన్ పీటర్సన్ - 45 ఇన్నింగ్స్
- బాబర్ అజామ్ - 45 ఇన్నింగ్స్
- రస్సీ వాన్ డర్ డస్సెన్ - ఇన్నింగ్స్
అలాగే వన్డేల్లో 2 వేల పరుగులు పూర్తి చేసిన అతిపిన్న వయస్కుల లిస్ట్లో ఐదో స్థానంలో నిలిచాడు. ఈ జాబితాలో మాస్టర్ బ్లాస్టర్ సచిన్ తెందూల్కర్ టాప్లో ఉన్నాడు. సచిన్ 20 సంవత్సరాల 354 రోజుల్లోనే ఈ ఘనత అందుకోగా.. గిల్ 24 సంవత్సరాల 44 రోజుల వయసులో సాధించాడు.