azaz patel news: ముంబయిలో పుట్టి విదేశాల్లో స్థిరపడి.. పుట్టినగడ్డపై ప్రత్యర్థిలా బరిలో దిగడం చాలా వింతైన అనుభూతి. అందులోనూ ఆడిన తొలి మ్యాచ్లోనే నాలుగు వికెట్లు పడగొట్టడం మరింత ఆనందాన్ని కలిగించే విషయం. ఇలాంటి అభిప్రాయాన్నే వ్యక్తపరిచాడు న్యూజిలాండ్ స్పిన్నర్ అజాజ్ పటేల్. తన కల సాకారమైందని అన్నాడు. పుట్టినగడ్డపై తొలి మ్యాచ్లోనే నాలుగు వికెట్లు పడగట్టడం చాలా ప్రత్యేకమైన అనూభూతినిచ్చిందని తెలిపాడు.
"నేను చాలా అదృష్టవంతన్ని. పుట్టిన గడ్డపై ఆడటం ఆనందాన్నిచ్చింది. తొలి మ్యాచ్లోనే నాలుగు వికెట్లు తీయటం మరింత ప్రత్యేకంగా నిలిచిపోయే అంశం. సరైన లెన్త్ బాల్స్ వేసి వికెట్లు రాబట్టొచ్చు. కానీ సగం పనే అయిపోయింది. మరో ఆరు వికెట్లు మిగిలి ఉన్నాయి. రేపు మరింత శ్రమించాల్సి ఉంది."
-అజాజ్ పటేల్