Ind vs Nz Semi Final 2023 :వన్డే ప్రపంచకప్‌లో వరుస విజయాలతో దూసుకుపోతున్న టీమ్ఇండియా సెమీ ఫైనల్‌లో న్యూజిలాండ్‌తో తలపడనుంది. నవంబర్ 15న ముంబయి వాంఖడే వేదికగా జరిగే తొలి సెమీస్‌లో భారత్ - న్యూజిలాండ్ తలపడనున్నాయి. అయితే 2019 ప్రపంచకప్‌ సెమీస్‌లోనూ కివీస్.. టీమ్ఇండియా తలపడ్డాయి. ఆ మ్యాచ్లో భారత్ 18 పరుగుల తేడాతో కివీస్ చేతిలో ఓడింది. ఆ మ్యాచ్లో భారత్ ఓటమిని టీమ్ఇండియా ఫ్యాన్స్ చాలా రోజుల పాటు జీర్ణించుకోలేకపోయారు. అయితే ఇప్పుడు భారత్కు ప్రతీకారం తీర్చుకునే అవకాశం వచ్చింది. దీంతో ఈసారి కివీస్ను ఎలాగైనా దెబ్బకు దెబ్బ కొట్టాలని భారత్ అభిమానులు కోరుకుంటున్నారు.
World Cup 2nd Semi Final : మెగాటోర్నీలో రెండో సెమీస్ సౌతాఫ్రికా - ఆస్ట్రేలియా మధ్య నవంబర్ 16న జరగనుంది. ఈ సమరానికి కోల్కతా ఈడెన్ గార్డెన్స్ వేదికకానుంది. అయితే ఈ మ్యాచ్లో గెలిచి తొలిసారి వరల్డ్కప్ ఫైనల్ చేరాలని సఫారీ జట్టు ఆశిస్తుంటే.. మరోవైపు ఏడోసారి ఫైనల్ చేరాలని ఆసీస్ పట్టుదలతో ఉంది.
Pakistan Out From World Cup 2023: ఇక ఇంగ్లాండ్‌తో జరుగుతున్న మ్యాచ్లో పాక్ విజయం సాధించినా నాకౌట్‌కు అర్హత సాధించదు. ఇంగ్లాండ్ నిర్దేశించిన 338 పరుగుల లక్ష్యాన్ని పాక్ 6.4 ఓవర్లలో ఛేదిస్తే న్యూజిలాండ్ రన్‌రేట్‌ను అధిగమించి.. పాక్ సెమీస్‌కు అర్హత సాధిస్తుంది. కానీ, ఆ జట్టు 6.4 ఓవర్లకు రెండు వికెట్లు కోల్పోయి 32 పరుగులు మాత్రమే చేసింది. దీంతో పాక్ అధికారికంగా సెమీస్ రేసు నిష్క్రమించింది. మరోవైపు 2027 ఛాంపియన్స్ ట్రోఫీకి అర్హత సాధించాలంటే ఇంగ్లాండ్కు కూడా ఈ మ్యాచ్లో గెలవడం తప్పనిసరి.