IND vs NZ Test: చిత్తడిగా ఔట్​ఫీల్డ్.. టాస్ ఆలస్యం

IND vs NZ Test Toss: నేడు (శుక్రవారం) భారత్-న్యూజిలాండ్ మధ్య రెండో టెస్టు జరగనుంది. ఈ మ్యాచ్ జరిగే వాంఖడేలో రెండు రోజులుగా కురుస్తున్న వర్షాల కారణంగా మైదానం పిచ్​, ఔట్​ఫీల్డ్ తేమగా ఉండటం వల్ల టాస్​ ఆలస్యం కానుంది.

IND vs NZ Test Toss: తొలి టెస్టులో విజయాన్ని కొద్దిలో మిస్సయిన భారత జట్టు న్యూజిలాండ్​తో జరగబోయే రెండో టెస్టులో ఎలాగైనా గెలవాలన్న పట్టుదలతో ఉంది. టీ20 ప్రపంచకప్ తర్వాత కొంతకాలం విరామం తీసుకున్న విరాట్ కోహ్లీ.. ఈ మ్యచ్​లో ఆడనున్నాడు. విలియమ్సన్ సారథ్యంలోని కివీస్​ ఈ మ్యాచ్​లో గెలిచి సిరీస్ గెలుచుకోవాలని చూస్తోంది.

టాస్ ఆలస్యం

రెండు రోజులుగా ముంబయిలో వర్షాలు కురుస్తున్నాయి. దీంతో వాంఖడే మైదానం చిత్తడిగా మారింది. నేడు (శుక్రవారం) వర్షం లేకపోయినా.. పిచ్​, ఔట్​ఫీల్డ్ తడిగా ఉంది. దీంతో టాస్​ ఆలస్యం కానున్నట్లు తెలిపారు అంపైర్లు. 10.30 గంటలకు మరోసారి పిచ్​ను పరీక్షించి నిర్ణయం తీసుకోనున్నారు.