INDvsENG: లీడ్స్​లోనూ వర్షం పడే అవకాశం ఉందా?

భారత్-ఇంగ్లాండ్ మధ్య మూడో టెస్టు బుధవారం నుంచి ప్రారంభం కానుంది. ఈ నేపథ్యంలో మ్యాచ్ జరగబోయే లీడ్స్ పిచ్​, అక్కడి వాతావరణం గురించి తెలుసుకుందాం.

టీమ్‌ఇండియా, ఇంగ్లాండ్‌ జట్ల మధ్య మరో రసవత్తరపోరుకు సమయం దగ్గరపడింది. బుధవారం నుంచి ఇరు జట్లూ హెడింగ్లీ లీడ్స్‌ వేదికగా మూడో టెస్టులో తలపడనున్నాయి. ఇప్పటికే లార్డ్స్‌లో ఘన విజయం సాధించిన టీమ్‌ఇండియా ఈ మ్యాచ్‌లోనూ గెలుపొంది సిరీస్‌లో దూసుకుపోవాలని చూస్తోంది. అలాగే ఈ టెస్టులోనైనా కోహ్లీసేననను ఓడించి సిరీస్‌ సమం చేయాలని భావిస్తోంది ఇంగ్లాండ్. కాగా, ఈ మ్యాచ్​ జరగబోయే లీడ్స్​లో వాతావరణం, పిచ్ ఎలా ఉందో తెలుసుకుందాం.

వాతావరణం

లీడ్స్​లో గాలులు ఎక్కువగా వీస్తాయి. మ్యాచ్ జరిగే ఐదు రోజులు ఇక్కడ 18 నుంచి 22 డిగ్రీల ఉష్ణోగ్రత నమోదయ్యే అవకాశం ఉంది. అలాగే మొదటి నాలుగు రోజులకు వర్ష సూచన లేకపోయినా.. ఐదో రోజూ మాత్రం వరుణుడు మ్యాచ్​కు అడ్డు తగిలే వీలుంది.

పిచ్

లీడ్స్​ పిచ్​ పేసర్లకు అనుకూలించే అవకాశం ఉంది. రెండో టెస్టులో చెలరేగిన షమీ, బుమ్రా, సిరాజ్​లకు ఇది కలిసొచ్చే అంశం. దీంతో మూడో టెస్టులో టీమ్ఇండియా ఒకే స్పిన్నర్​తో బరిలో దిగే వీలుంది.