Virat Kohli World Cup 2023 :వరల్డ్ కప్లో భాగంగా ఇటీవలే ఆస్ట్రేలియాతో జరిగిన మ్యాచ్లో టీమ్ఇండియా ప్లేయర్లు ఏ మేరకు ఆడారో అందరికీ తెలిసిందే. 200 పరుగుల టార్గెట్ను చేధించేందుకు బరిలోకి దిగిన భారత జట్టు.. 2 పరుగులకే 3 వికెట్లు కోల్పోయిపీకల్లోతు కష్టాల్లో పడింది. అయితే అంతటి నిరాశలోనూ ఆశాదీపంలా కేఎల్ రాహుల్, విరాట్ కోహ్లీ కీలక ఇన్నింగ్స్ ఆడి జట్టును విజయతీరాలకు చేర్చారు. అయితే ఇప్పుడు టీమ్ ఇండియా ఈ ప్రపంచకప్లో తమ రెండో మ్యాచ్ను.. దిల్లీలోని అరుణ్ జైట్లీ స్టేడియం వేదికగా అఫ్గానిస్థాన్తో తలపడనుంది. ఈ మ్యాచ్లోనూ... తొలి పోరులో అదరగొట్టిన కోహ్లీ - కేఎల్ రాహుల్పైనే అందరీ కళ్లు ఉన్నాయి.
ఆ ఇద్దరిపైనే అందరి ఫోకస్.. ఆస్ట్రేలియాతో మ్యాచ్లో విరాట్ కోహ్లీ.. 85 పరుగులు చేసి స్కోర్ బోర్డును పరుగులు పెట్టించాడు. బ్యాటింగ్‌లోనే కాదు ఫీల్డింగ్‌లోనూ అదరగొట్టి అందరి చేత మరోసారి ఔరా అనిపించుకున్నాడు. 'బెస్ట్ ఫీల్డర్‌ ఆఫ్ ది మ్యాచ్' అవార్డును కూడా అందుకున్నాడు. అలాగే కేఎల్ రాహుల్ కూడా 97 పరుగులతో అజేయంగా నిలిచి తనేంటో మరోసారి అందరికీ తెలియజేశాడు. చివరి వరకు క్రీజ్‌లో ఉండి జట్టును విజయతీరాలకు చేర్చడంతో పాటు ప్లేయర్ ఆఫ్ ది మ్యాచ్ అవార్డును దక్కించుకున్నాడు. దీంతో ఈ ఇద్దరు.. అప్ఘాన్తో మ్యాచ్లోనూ తన ఫామ్‌ను కొనసాగిస్తారని, మెరుపులను మెరిపిస్తారని ఎంతో ఆసక్తిగా ఎదురు చూస్తున్నారు. కేఎల్ రాహుల్ వికెట్ కీపింగ్లోనూ రాణించాలని అభిమానులు కోరుకుంటున్నారు.