ICC T20 World Cup 2024 : ప్రపంచకప్​ ఈసారి మరింత కొత్తగా.. అదే జరిగితే ఒలిపింక్స్​లోకి క్రికెట్ ఎంట్రీ పక్కా!

ICC T20 World Cup 2024 : 2024 టీ 20 ప్రపంచకప్ టోర్నమెంట్ జరిగే తేదీలు దాదాపు ఖరారైనట్లు తెలుస్తోంది. ఈ క్రమంలో మ్యాచ్​లు నిర్వహించే వేదికలను ఐసీసీ బృందం సందర్శించింది. కాగా ఈ టోర్నమెంట్​తో ఐసీసీ 2024 - 2031 మధ్య టోర్నమెంట్​ సైకిల్ ప్రారంభంకానుంది.

ICC T20 World Cup 2024 : క్రికెట్​ ప్రియుల కోసం నెట్టింట ఓ తీయ్యటి కబురు ట్రెండింగ్​ అవుతోంది. 2024 టీ 20 ప్రపంచకప్ తేదీలు దాదాపు ఖరారైనట్లు తెలుస్తోంది. వెస్టిండీస్, అమెరికా సంయుక్తంగా ఆతిథ్యం ఇవ్వనున్న ఈ మెగా టోర్నీ వచ్చే ఏడాది జూన్ 4 నుంచి 30 వరకు జరగనున్నట్లు సమాచారం. ఇక ఈ ప్రపంచకప్​తో ఐసీసీ 2024 - 2031 మధ్య జరిగే టోర్నమెంట్​ సైకిల్​​ కూడా మొదలవుతుంది.

T20 World Cup 2024 Venues : రెండు దేశాల్లో కలిపి మొత్తం పది స్టేడియాల్లో ఈ టోర్నమెంట్​ మ్యాచ్​లు నిర్వహించనున్నారు. మొదటిసారి అమెరికా ఐసీసీ ఈవెంట్​కు ఆతిథ్యం ఇవ్వనున్నంది. ఇటీవలె ఐసీసీ బృందం యూఎస్​లోని స్టేడియాలను సందర్శించింది. అయితే అమెరికాలో మ్యాచ్​లు నిర్వహించే కొన్ని వేదికలకు అంతర్జాతీయ హోదా లేదు. అందుకని ఐసీసీ.. వెస్టిండీస్, యూఎస్​ఏ దేశాల క్రికెట్ బోర్డులతో చర్చలు జరిపి స్టేడియాలపై తుది నిర్ణయం తీసుకోనుంది.

అయితే ఐసీసీ.. 2024 టీ20 ప్రపంచకప్​ను విండీస్​తో పాటు అమెరికాలో నిర్వహించడానికి రెండు ప్రధాన కారణాలు ఉన్నట్లు తెలుస్తోంది. మొదటిది అమెరికాలో క్రికెట్​కు ప్రాధాన్యం లభించే అవకాశం ఉంది. లాస్ ఏంజిల్స్​లో 2028 ఒలింపిక్స్​లో క్రికెట్​ను చేర్పించాలనే ప్రయత్నం రెండో కారణం. ఒకవేళ ఐసీసీ ప్లాన్ సక్సెస్​ అయితే.. 2028 ఒలింపిక్స్​లో క్రికెట్​ను చూడవచ్చు.

ఈసారి భిన్నంగా..
అయితే 26 రోజులపాటు సాగే టోర్నీని ఐసీసీ.. గత ఎడిషన్​ల కంటే ఈ సారి భిన్నంగా నిర్వహించనుంది. టోర్నమెంట్​లో ఈసారి 20 దేశాలు పాల్గొననున్నాయి. ఈ 20 జట్లను నాలుగు గ్రూపులుగా విభజిస్తారు. ప్రతి గ్రూపులోని టాప్ 2 రెండు జట్లు సూపర్ - 8కు అర్హత సాధిస్తాయి. ఈ ఎనిమిది జట్లను రెండు గ్రూపులుగా విడగొడతారు. ఈ గ్రూపులోని టాప్ - 2 రెండులో నిలిచిన జట్లు సెమీస్ ఆడతాయి.

ఐపీఎల్​పై ఎఫెక్ట్.. ఇక 2024 టీ20 వరల్డ్​ కప్​నకు ఇవే తేదీలు ఫైనలైతే.. ఐపీఎల్​ షెడ్యూల్​పై తప్పకుండా ప్రభావం పడుతుంది. భారత్ స్వదేశంలో ఆడే మ్యాచ్​లను ఇప్పటికే ఖరారు చేయడం వల్ల ఐపీఎల్​ను ముందుకు తీసుకురాలేకపోవచ్చు. ఓవైపు 2024 ఏప్రిల్ - మే లో లోక్​సభ ఎన్నికలు ఉండటం.. మరోవైపు జూన్ మొదటి వారంలో టీ20 ప్రపంచకప్​ ప్రారంభమవడం వల్ల ఐపీఎల్ షెడ్యూల్​ను ఎలా ఖరారు చేస్తుందో చూడాలి.

T20 WC 2024 Qualifiers : తాజాగా టీ 20 ప్రపంచకప్​నకు పపువా న్యూ గినియా (పీఎన్‌జీ) అర్హత సాధించింది. 20 జట్లు తలపడే ఈ మెగా టోర్నీకి ఇప్పటివరకూ 15 దేశాలు అర్హత సాధించాయి. కాగా అమెరికా క్వాలిఫయర్‌ నుంచి ఒకటి.. ఆసియా, ఆఫ్రికా క్వాలిఫయర్స్‌ నుంచి రెండేసి చొప్పున మరో 5 జట్లు ప్రపంచకప్‌ బెర్తు దక్కించుకోవాల్సి ఉంది.

• ఇవి చదవండి :