ICC T20 Ranking: ఐసీసీ బుధవారం విడుదల చేసిన టీ20 ర్యాంకింగ్స్లో టీమ్ఇండియా యంగ్ బ్యాటర్ యశస్వి జైశ్వాల్ కెరీర్ బెస్ట్ ప్లేస్ సొంతం చేసుకున్నాడు. 739 రేటింగ్స్తో ఏడు స్థానాలు ఎగబాకి ప్రస్తుతం అరో ప్లేస్లో కొనసాగుతున్నాడు. మరోవైపు స్పిన్నర్ అక్షర్ పటేల్ కూడా కెరీర్ బెస్ట్ ర్యాంక్ దక్కించుకున్నాడు. అతడు ఏకంగా 12 స్థానాలు మెరుగుపర్చుకొని 667 రేటింగ్స్తో ఐదో ప్లేస్లో కొనసాగుతున్నాడు. ఇక బ్యాటింగ్ విభాగంలో సూర్యకుమార్ (869 రేటింగ్స్) అగ్రస్థానంలో ఉండగా, రుతురాజ్ గైక్వాడ్ (661)తో తొమ్మిదో స్థానంలో కొనసాగుతున్నాడు. లెఫ్ట్ హ్యాండ్ బ్యాటర్ శివమ్ దూబే 256వ ప్లేస్ నుంచి 58వ స్థానానికి జంప్ చేశాడు. స్టార్ బ్యాటర్ విరాట్ కోహ్లీ 516 రేటింగ్స్తో 44వ స్థానంలో ఉన్నాడు.
టాప్- 5 స్థానల్లో ఉన్న బ్యాటర్లు
- సూర్యకుమార్ యాదవ్ (భారత్)- 869 రేటింగ్స్
- ఫిల్ సాల్ట్ (ఇంగ్లాండ్)- 802 రేటింగ్స్
- మహ్మద్ రిజ్వాన్ (పాకిస్థాన్)- 775 రేటింగ్స్
- బాబర్ ఆజామ్ (పాకిస్థాన్)- 763 రేటింగ్స్
- ఎయిడెన్ మర్క్రమ్ (సౌతాఫ్రికా)- 755 రేటింగ్స్
ఇక బౌలింగ్ విభాగానికొస్తే:యంగ్ స్పిన్నర్ రవి బిష్ణోయ్ ఏకంగా నాలుగు స్థానాలు దిగజారిపోయాడు. ప్రస్తుతం బిష్ణోయ్ 666 రేటింగ్స్తో ఆరో పొజిషన్లో ఉన్నాడు. టాప్ 10లో అక్షర్, బిష్ణోయ్ తప్పా టీమ్ఇండియా ప్లేయర్లెవరూ లేరు. ఇంగ్లాండ్ స్పిన్నర్ ఆదిల్ రషీద్ 726 రేటింగ్స్తో టాప్ ప్లేస్లో కొనసాగుతున్నాడు.