ICC Rankings: ఐసీసీ తాజా వన్డే, టెస్టు ర్యాంకింగ్స్ను ప్రకటించింది. వన్డే ర్యాంకింగ్స్లోని బ్యాటింగ్ విభాగంలో దక్షిణాఫ్రికా ప్లేయర్ క్వింటన్ డికాక్.. కెప్టెన్ రోహిత్ శర్మను వెనక్కినెట్టి మూడో స్థానంలో నిలిచాడు. దీంతో టీమ్ఇండియా కెప్టెన్ రోహిత్ నాలుగో ర్యాంకుకు పడిపోయాడు. బ్యాటర్ కోహ్లీ తన రెండో స్థానాన్ని కాపాడుకున్నాడు. పాక్ సారథి బాబర్ ఆజామ్ అగ్రస్థానంలో నిలిచాడు.
బౌలింగ్ విభాగంలో భారత జట్టు బౌలర్ జస్ప్రీత్ బుమ్రా తన ఆరో స్థానాన్ని పదిలం చేసుకున్నాడు. ఆల్రౌండర్ల జాబితాలో బంగ్లాదేశ్ ఆటగాడు షకీబుల్ హసన్ తొలి స్థానంలో ఉండగా.. టీమ్ఇండియా ఆటగాడు రవీంద్ర జడేజా ఒక్క స్థానం దిగజారి 10వ స్థానంలో నిలిచాడు.
ఐసీసీ టెస్టు ర్యాంకింగ్స్..
ICC Test Rankings: ఐసీసీ టెస్టు ఆల్రౌండర్ల ర్యాంకింగ్స్లో టీమ్ఇండియా ఆటగాడు రవీంద్ర జడేజా మరోసారి నెంబర్‌వన్‌గా నిలిచాడు. 385 పాయింట్లతో జడ్డూ తొలి స్థానంలో ఉండగా.. రెండో స్థానంలో విండీస్‌ ప్లేయర్ జేసన్‌ హోల్డర్‌ ఉన్నాడు. ఇక బ్యాటింగ్ విభాగంలో టీమ్ఇండియా కెప్టెన్ రోహిత్ శర్మ ఒక స్థానం దిగజారి 754 పాయింట్లతో ఏడో స్థానంలో ఉండగా.. కోహ్లీ తొమ్మిదో స్థానంలో నిలిచాడు. బౌలర్ల విభాగంలో ఆస్ట్రేలియా కెప్టెన్ పాట్‌ కమిన్స్‌ 885 పాయింట్లతో తొలి స్థానాన్ని నిలుపుకోగా.. టీమ్ఇండియా స్పిన్నర్‌ అశ్విన్‌ 850 పాయింట్లతో రెండో స్థానంలో కొనసాగుతున్నాడు.
ఇదీ చదవండి: రాహుల్కు గౌతీ వార్నింగ్.. ఐపీఎల్లో కెప్టెన్గా ఉన్నంత మాత్రాన..!
